Tanınmış Əməkdar jurnalist vəfat etdi - FOTO
29 Aprel 2024
Türkiyədə seçki qadağaları TƏTBİQ EDİLDİ
12:29 - 4 May 2023
Türkiyədə prezident seçkiləri və 28-ci dönəm parlament seçkiləri üçün təbliğat azadlığı və digər bəzi seçki qadağaları bu gün başlayıb.
Manset.az BAKU.WS-ə istinadən xəbər verir ki, Yüksək Seçki Şurasının (YSK) seçkilər üçün təyin etdiyi təqvimə əsasən, bu gün başlayan təbliğat azadlığı və digər bəzi seçki qadağaları səsvermə gününə bir gün qalmış (13 may, şənbə) saat 18.00-da başa çatacaq.
Seçkilərdə iştirak edən siyasi partiyalar və müstəqil namizədlər seçki təbliğatı müddəti başa çatana qədər yazılı mətbuatda elan və reklamlar verməklə və ya internet saytı açmaqla şifahi, yazılı və ya vizual təbliğat apara biləcəklər.
Vətəndaşların elektron poçt ünvanlarına, mobil və ya ev telefonlarına səsli, video və ya mətn mesajları göndərməklə təbliğat aparmaq mümkün olmayacaq. Lakin siyasi partiyalar öz üzvlərinə hər zaman audio, video və ya yazılı mesajlar göndərə biləcəklər.
Seçki gününə qədər hər hansı namizədin lehinə və ya əleyhinə, eləcə də seçicilərin səslərinə təsir edəcək ictimai rəy sorğuları və proqnozlara icazə verilməyəcək.
Bundan başqa, heç bir dövlət qulluqçusu nazirlərin, deputatların və namizədlərin seçki təbliğatının başlandığı gündən seçki günündən sonrakı günədək seçki təbliğat səfərlərində iştirak edə bilməyəcək.
Qaydaları pozanlar barədə Baş Prokurorluğa, Radio və Televiziya Ali Şurasına, İnformasiya Texnologiyaları və Rabitə Qurumuna məlumat veriləcək və onlar haqqında cəzalar müəyyənləşəcək.
Digər xəbərlər
Xəbər xətti
29 Aprel 2024
Ən son xəbərləri səhifəmizdən də izləyin