Tanınmış Əməkdar jurnalist vəfat etdi - FOTO
29 Aprel 2024
Baş nazir “SpaceX” şirkətinin prezidenti ilə görüşdü
16:11 - 9 May 2023
Azərbaycanın Baş naziri Əli Əsədov mayın 9-da ölkəmizdə səfərdə olan ABŞ-ın “Space Exploration Technologies Corporation” (“SpaceX”) şirkətinin prezidenti və baş əməliyyat direktoru xanım Qven Şotvel ilə görüşüb.
Nazirlər Kabinetinin mətbuat xidmətindən Manset.az-a bildirilib ki, görüşdə Azərbaycanda “Starlink” internet xidmətlərinin göstərilməsi ilə bağlı “SpaceX” şirkəti ilə imzalanacaq ilkin razılıq sazişinin əhəmiyyəti vurğulanıb.
Azərbaycanda informasiya-kommunikasiya texnologiyaları, o cümlədən elektron hökumət, distant təhsil sahələrinin və kosmos sənayesinin inkişafı istiqamətində əldə edilmiş mühüm nailiyyətlər diqqətə çatdırılıb.
Bakı şəhərinin bu ilin oktyabr ayında keçiriləcək 74-cü Beynəlxalq Astronavtika Konqresinə ev sahibliyi etmək hüququnu qazanması ölkəmizin bu sahədə nailiyyətlərinin beynəlxalq kosmik icma tərəfindən yüksək səviyyədə tanınmasının bariz nümunəsi kimi qiymətləndirilib.
Görüşdə Azərbaycan ilə “SpaceX” şirkəti arasında əməkdaşlığın perspektivləri müzakirə olunub.
Digər xəbərlər
Xəbər xətti
29 Aprel 2024
Ən son xəbərləri səhifəmizdən də izləyin