Bəzi fermerlərə əlavə subsidiyalar veriləcək
17 Noyabr 2024
DYP yağışlı hava şəraiti ilə əlaqədar sürücülərə müraciət etdi
11:55 - 28 Sentyabr 2021
Bakı Şəhər Baş Polis İdarəsinin Dövlət Yol Polisi (DYP) İdarəsi yağışlı hava şəraiti ilə əlaqədar sürücülərə müraciət edib.
Bu barədə Manset.az-a İdarənin baş inspektoru, polis mayoru Araz Əsgərli məlumat verib.
O, yağışlı hava şəraiti ilə əlaqədar sürücülərdən yollarda diqqətli olmasını xahiş edib: “Sürücülər yağışın əmələ gətirdiyi gölməçələrdən keçərkən piyadaları nəzərə alsınlar. Bu, paytaxtımızda insanların daha çox narazılıq bildirdiyi məsələlərdən biridir. Artıq yay fəsli bitib, payız fəslidir. Buna görə də silgəcləri bir daha gözdən keçirsinlər. Çünki yağışlı havada görmədə məhdudiyyətin yaranması ən önəmli faktorlardan biridir. Təkərləri dəyişmək vaxtı da yaxınlaşıb. Sürüşmənin qarşısını almaq üçün nəqliyyat vasitələrinin texniki sazlıqlarına diqqət yetirsinlər. Günün pik saatlarında hərəkətdə olarkən diqqətli olsunlar, piyadaların qəfil yola çıxması halları yaşana bilər".
“Hər bir sürücü hava şəraitinə uyğun olaraq hərəkət sürətini aşağı salmalıdır. Bu barədə “Yol Hərəkəti Haqqında Qanun”da da qeyd olunub. 110 km/saat yolda vacib deyil ki, maksimum sürətdə gedilsin. Şəhərdə müəyyən yerlərdə tablo var, ancaq rayonlararası yerlərdə tablo yoxdur. Ona görə də, sürücülər bu məsələyə xüsusi diqqət etməlidir”, - A.Əsgərli bildirib.
Digər xəbərlər
Xəbər xətti
Ən son xəbərləri səhifəmizdən də izləyin