Son 6 ayda koronanın əlimizdən aldığı məşhurlar

22:24 - 16 Sentyabr 2021

Son 6 ayda koronanın əlimizdən aldığı məşhurlar

Son 6 ayda 5 məşhur sənətçimiz ard-arda koronavirusdan dünyasını dəyişib.

Manşet.az onların siyahısını təqdim edir:

Xalq artisti Rafiq Hüseynov (Rəmiş) aprelin 5-də 76 yaşında koronavirusdan dünyasını dəyişib. O, qaraciyər serrozundan əziyyət çəkirdi. Xalq artistinin müalicə aldığı xəstəxanada koronavirusa yoluxması digər xəstəliklərini daha da şiddətləndirmişdi.

Əməkdar artist Baloğlan Əşrəfov aprelin 7-də koronavirusdan dünyasını dəyişib. Qeyd edək ki, B.Əşrəfov 2007-ci ildə qaraciyər serrozundan əziyyət çəkdiyi üçün Türkiyədə əməliyyat olunmuşdu. Uzun müddət müalicə alan sənətkara qaraciyər köçürülmüşdü.

Xalq artisti Arif Quliyev (70 yaş) may ayının 7-də koronavirusdan dünyasını dəyişib. O, müalicə aldığı xəstəxanada süni tənəffüs aparatına qoşulmuş, ağ ciyərlərinin 90 faizi buzlaşmışdı.

Xalq artisti Səməd Səmədov iyulun 24-də 74 yaşında koronavirusdan vəfat edib. Müğənni ağır vəziyyətdə Yeni Klinikanın reanimasiya şöbəsinə yerləşdirilmişdi.

Əməkdar artist Yaqub Zurufçu (65 yaş) 14 sentyabrda koronavirusdan müalicə aldığı Yeni Klinikada dünyasını dəyişib.


Xəbər xətti

29 Mart 2024

Ən son xəbərləri səhifəmizdən də izləyin