Prezident təltifolunma mərasimində - FOTOLAR
6 Noyabr 2024
Sabiq prezidentlər və sabiq baş nazir Taliban hökumətində təmsil olunacaq
22:40 - 25 Avqust 2021
Əfqanıstanı idarə edəcək 12 nəfərlik şuraya ölkənin 2 sabiq prezidenti Həmid Kərzai, Abdulla Abdulla və sabiq baş nazir, İslam Partiyasının lideri Gülbəddin Hikmətyar daxil olacaq.
Manşet.az xəbər verir ki, bu barədə “Ariana News” telekanalı məlumat verib.
Bildirlir ki, adı çəkilən 3 şəxs Taliban hökumətinin Əfqanıstanı idarə etmək üçün 12 nəfərdən ibarət formalaşdırmaq niyyətində olduğu şuraya üzv olacaqlar.
Adı çəkilən bu üç siyasi fiqur, talibançıların hücumlara başladığı ilk anda hakimiyyətin sülh yolu ilə Talibana təhvil verilməsi ilə bağlı Koordinasiya Şurası yaradıblar.
Bu siyasi fiqurlar Əfqanıstan cəmiyyətini geniş şəkildə təmsil edən hökumətin yaradılması məqsədi ilə Taliban təmsilçiləri ilə görüşlər keçiriblər.
“Foreign Policy” jurnalının bir neçə gün bundan öncə yazıb ki, Taliban Əfqanıstanı idarə etmək üçün 12 nəfərdən ibarət bir Şura yartamaq istəyir. Şuraya Talibanın siyasi qanadının lideri Abdul Qani Baradar, hərbi komissiyanın rəhbəri Mövləvi Yaqub (bu şəxs Talibanın yaradıcısı Molla Ömərin oğludur) və səhra komandiri, təxribat qrupu olan “Həkkani şəbəkəsi”nin başçısı Siracuddin Həkkani daxildir.
Jurnalın yazdığına görə, Taliban ölkədə prezident postunun və yaxud vahid liderin idarəçilik üsulunu istəmir.
“Al Jazeera”nın yaydığı xəbərə görə isə Quantanamo həbsxanasının məhbusu olan Abdul Qəyyum Zakir Əfqanıstanın müdafiə naziri əvəzi təyin edilib. Zakir Talibanın əsas səhra komandirlərindən biri olub və Baqram ətrafında gedən döyüşlərdə Amerika əsgərləri tərəfindən ələ keçirilib və Quantanamo həbsxanasına göndərilib. Azadlığa çıxdıqdan sonra yenidən Talibana qoşulub.
“Pajvok” agentliyinin yaydığı xəbərə görə, Sədr İbrahim daxili işlər naziri əvəzi, Gül Ağağ maliyyə naziri əvəzi, Kəşfiyyat xidmətinə isə Nəcibulla təyinat alıb. Bundan əlavə olaraq Taliban təhsil naziri və Kabilə vali təyin edib.ölkə.az
Digər xəbərlər
Xəbər xətti
Ən son xəbərləri səhifəmizdən də izləyin