"Qarabağ" "Neftçi" darmadağın etdi - YENİLƏNİB
21 Sentyabr 2024
Ucarda küçəyə atılan körpəyə sahib çıxan yoxdur - VİDEO
08:20 - 8 Avqust 2021
Ucar rayonunda təxminən bir ay əvvəl küçəyə atılmış uşağa sahib çıxan yoxdur.
Anası yeni doğulan uşağından imtina edib, körpəyə həkimlər sahib çıxıb. İndi isə tibb müəssisəsi uşağı yerləşdirməyə yer tapmır.
Manset.az-ın məlumatına görə, iyul ayının 12-də şəhər ərazisində yeni doğulmuş körpənin atılması ilə əlaqədər Ucar rayon təcili tibbi yardım stansiyasına məlumat daxil olub. Dərhal yeni doğulmuş körpə həkimlər tərəfindən xəstəxanaya gətirilərək doğum şöbəsinə təhvil verilib. Körpə həkimlər tərəfindən müayinə edilərək xüsusi palataya köçürülüb.
Qaydalara uyğun olaraq xəstəxanada 7 gün saxlanan uşaq sonra aidiyyətı üzrə təhvil verilməli idi. Amma vəziyyət bir az dəyişib. Rəsmi müraciətlər olunsa da, hələ ki, cavab verən olmayıb.
Yeni doğulan körpəyə doğum şöbəsinin tibb bacıları tərəfindən lazımi qayğı göstərilir. Hətta ona öz aralarında müvəqqəti də olsa ad verilib.
Qeyd edək ki, körpənin övladlığa götürülməsi üçün dəfələrlə rayon mərkəzi xəstəxanasına müraciət olunub, amma bu prosesin onlara aid olmadığı cavabı verilib.
Ucar Rayon İcra Hakimiyyətindən "Xəzər Xəbər"ə bildirilib ki, xəstəxanadan daxil olmuş rəsmi məktub əsasında sənədləşmə işinə başlanılıb. Uşağa doğum haqqında şəhadətnamədə hazırlanıb. Ona Əliyev Məhəmməd Yusif adı verilib. Növbəti həftələr ərzində uşağın paytaxtdakı uşaq evlərindən birinə yerləşdirilməsi planlaşdırılır.
Digər xəbərlər
Xəbər xətti
Ən son xəbərləri səhifəmizdən də izləyin