Yeni ildə 7 gün ardıcıl iş olmayacaq - RƏSMİ
28 Noyabr 2024
Nicat Rəhimov apellyasiya şikayəti verəcək - FOTO
13:00 - 24 Mart 2022
Qazaxıstan millisində çıxış edən azərbaycanlı ağırlıqqaldıran Nicat Rəhimov olimpiya medalının əlindən alınması və səkkiz il müddətinə diskvalifikasiya olunması ilə bağlı apellyasiya şikayəti verəcək.
Manset.az xəbər verir ki, bu barədə 29 yaşlı idmançı şəxsi “Instagram” hesabında bildirib.
Rəhimov bir çox sualları cavabsız qaldığı üçün qərarla qətiyyən razı olmadığını vurğulayıb: “Bu məsələdə ən dəhşətlisi odur ki, onlar Olimpiada vaxtı göndərilən nümunəmlə bağlı heç bir sual olmadan mənim və ümumilikdə Qazaxıstanın əsas mükafatı hesab edilən Rio-de-Janeyro Yay Olimpiya Oyunlarının qızıl medalını əlimdən almaq istəyirlər”.
Qeyd edək ki, Beynəlxalq Dopinq Test Agentliyi (ITA) 2021-ci ilin yanvarında Rəhimova qarşı antidopinq qaydalarının pozuntusu ilə bağlı ittiham irəli sürüb və idmançını yarışdan kənarlaşdırıb. Qərardan narazı qalan ağırlıqqaldıran CAS-a müraciət edib. O, araşdırma müddətində yarışlardan müvəqqəti uzaqlaşdırılmışdı.
Təcrübəli idmançı 2014-cü ildə Azərbaycan yığmasını tərk edərək, Qazaxıstan vətəndaşlığına keçib. O, növbəti il dünya çempionu, 2016-cı ildə isə Rio-de-Janeyro Yay Olimpiya Oyunlarının qalibi olub.
Nicat Rəhimov Azərbaycan millisində ikən 2013-cü ildə orqanizmində steroidlər tapıldığı üçün iki il müddətinə diskvalifikasiyaya məruz qalıb.
Digər xəbərlər
Xəbər xətti
28 Noyabr 2024
Ən son xəbərləri səhifəmizdən də izləyin