Əli Əsədovdan mühüm QƏRAR
1 Noyabr 2024
Azərbaycanda şəkər xəstələri üçün dərman istehsalı Başladı
21:18 - 11 Yanvar 2022
Pirallahı Sənaye Parkının rezidenti "R-Pharm” MMC tərəfindən ölkəmizdə ilk dəfə olaraq şəkərli diabetin fəsadlarının profilaktikası üçün nəzərdə tutulan Diabeton® MR (qliklazid) preparatının istehsalına başlanılıb.
İqtisadiyyat Nazirliyindən Manşet.az-a verilən məlumata görə, artıq şirkət tərəfindən 200 min qutu dərman istehsal edilib və paylanma üçün aidiyyəti yerlərə göndərilib:
"Cari ilin I rübünün sonunadək müəssisədə daha 300 min qutu Diabeton® MR preparatının istehsalı planlaşdırılır.
Qeyd edək ki, sözügedən dərmanın istehsalı "R-Pharm” MMC ilə Fransanın beynəlxalq əczaçılıq qrupu olan "Servier” şirkəti arasında imzalanmış tərəfdaşlıq sazişi çərçivəsində həyata keçirilir.
Beş illik müqavilənin şərtlərinə əsasən, müəssisədə qeyd edilən dərman preparatının ildə təxminən 1 milyon qutu həcmində istehsalı nəzərdə tutulur.
Məlumat üçün bildiririk ki, "R-Pharm” MMC-də istehsal prosesi Beynəlxalq GMP standartlarına uyğun şəkildə həyata keçirilir.
Belə ki, Beynəlxalq GMP standartları əczaçılıq məhsulları istehsalçılarına yüksək keyfiyyətli xammal, müasir emal texnologiyalarının istifadəsi, qabaqcıl avadanlıqların olması, istehsalatda çalışan kadrların yüksək səviyyədə ixtisaslaşması kimi ciddi tələblər qoyur. "R-Pharm” MMC ölkədə GMP sertifikatını alan ilk əczaçılıq müəssisəsidir”, - nazirlikdən bildirilib.
Digər xəbərlər
Xəbər xətti
1 Noyabr 2024
Ən son xəbərləri səhifəmizdən də izləyin