20 milyon manatı Azərbaycana qaytarmayan şəxslər HƏBS EDİLDİ
26 Noyabr 2024
PSJ-dən darmadağın - "Leyptsiq" Avropa Liqasının pley-offuna vəsiqə qazandı
23:37 - 7 Dekabr 2021
UEFA Çempionar Liqasının qrup mərhələsində sonuncu - VI tura start verilib.
Manset.az-ın məlumatına görə, ilk oyun gününə nəzərdə tutulan 8 qarşılaşmadan ikisi artıq başa çatıb.
A qrupunda PSJ Fransada Belçika "Brügge"sini darmadağın edib - 4:1. Meydan sahiblərinin heyətində Kilian Mbappe və Lionel Messi dubl müəllifi olublar. Digər görüşdə isə İngiltərənin "Mançester Siti" klubu Almaniyada "Leyptsiq"in qonağı olub. Oyun Bundesliqa təmsilçisinin 2:1 hesablı qələbəsi ilə başa çatıb.
Bununla da A qrupunda mübarizəyə yekun vurulub. "Mançester Siti" qrupda ilk, PSJ isə 2-ci pilləni daha əvvəl təmin etdiyindən 1/8 finala adlayıblar. "Leyptsiq" isə 3-cü yeri tutaraq, Avropa Liqasının pley-offunda oynamaq hüququ əldə edib.
UEFA Çempionlar Liqası
Qrup mərhələsi, VI tur
A qrupu
21:45. PSJ (Fransa) - "Brügge" (Belçika) - 4:1
Qollar: Kilian Mbappe, 2; 7. Lionel Messi, 38; 76 (pen.) - Mats Rits, 68
21:45. "Leyptsiq" (Almaniya) - "Mançester Siti" (İngiltərə) - 2:1
Qollar: Dominik Soboslai, 24. Andre Silva, 71 - Riyad Mahrez, 71
Qırmızı vərəqə: Kayl Uoker, 83 ("Mançester Siti")
Xal durumu: "Mançester Siti" - 12, PSJ - 11, "Leyptsiq" - 7, "Brügge" - 4.
Qeyd edək ki, indiyədək "Mançester Siti" və PSJ ilə yanaşı, İngiltərənin "Liverpul", "Mançester Yunayted" və "Çelsi", Niderlandın "Ayaks", Portuqaliyanın "Sportinq", İspaniyanın "Real Madrid", Almaniyanın "Bavariya", İtaliyanın "İnter" və "Yuventus" klubları da 1/8 finala adlayıb.
Digər xəbərlər
Xəbər xətti
Ən son xəbərləri səhifəmizdən də izləyin