Özünü maşına çırpıb sürücüdən 50 AZN aldı - Paytaxtda ŞOK HADİSƏ
5 Aprel 2025
Bakıda taksi dayanacaqları artırılacaq - RƏSMİ
21:40 - 4 Aprel 2025
Bakıda bəzi yerlərdə taksi dayanacaqları quraşdırılıb. Bu dayanacaqlar həm sürücülər, həm də sərnişinlər üçün daha rahat taksi xidmətinin təşkilinə kömək edir. Bəs hansı ərazilərdə yeni dayanacaqların quraşdırılması planlaşdırılır?
Manset.az Metbuat.az-a istinadən xəbər verir ki, Azərbaycan Yerüstü Nəqliyyat Agentliyinin (AYNA) mətbuat katibi Tural Orucov bildirib ki, şəhərin bir sıra küçə və prospektlərində 130-dan artıq taksi duracağı mövcuddur:
“Onların əksəriyyəti cəlbetmə məntəqələrində təşkil edilmədiyindən bəzən nəqliyyatın hərəkətinə maneə yaradır. Buna görə də AYNA məsələyə kompleks yanaşma tətbiq edir. Nəqliyyatın hərəkətinə maneə yaradan məntəqələrin ləğv edilməsi, eyni zamanda yeni cəlbetmə məntəqələrinin müəyyənləşdirilməsi istiqamətində işlər aparılır. Yeni cəlbetmə məntəqələrinin əsasən universitetlərin, ticarət mərkəzlərinin, nəqliyyat mübadilə mərkəzlərinin ətrafında, həmçinin avtobus zolaqlarının yaxınlığındakı alternativ yollarda təşkil edilməsi nəzərdə tutulur”.
“Sakinlərin də müraciətləri nəzərə alınaraq paytaxtın Tbilisi prospektində, A.M.Şərifzadə küçəsində, metronun “Ulduz” stansiyası ətrafında taksi minik avtomobilləri üçün duracaq, həmçinin minib-düşmə yerləri (drop off) təşkil edilib. Layihənin paytaxtın digər ərazilərində də həyata keçirilməsi üçün təhlillər aparılır”, - deyə o qeyd edib.
Digər xəbərlər
Xəbər xətti
5 Aprel 2025
Ən son xəbərləri səhifəmizdən də izləyin