Kriminal dünya qan çanağına dönə bilər - "Rufo Gəncinski"ni seçimini etdi

21:11 - 24 Noyabr 2021

Kriminal dünya qan çanağına dönə bilər -

Azərbaycanlı "oğru” Ülfət Tağıyevin (Rufo Gəncinski) Moskvada məskunlaşması kriminal dünyanın əsas müzakirə mövzusudur. 

Manset.az Qaynarinfo-ya istinadən xəbər verir ki, Rusiya mediası bunu azərbaycanlı krminal qruplar arasında başlayacaq yeni savaşın anonsu kimi təqdim edir. 

Məsələ burasındadır ki, "Rufo Gəncinski" mərhum "oğru” Rövşən Canıyevin (Rövşən Lənkəranski) ən yaxın adamlarından olub. O, Lənkəranski - Quli qarşıdurmasında birinciyə sadiqliyi ilə tanınıb. 

Rusiya mediası "Rufo Gəncinski"ni Rövşən Canıyevin cangüdəni və mühafizəçisi kimi təqdim edir. Bu bəlkə də onun "oğru” tituluna kölgə salmaq üçündür. "Oğru qaydaları” killer "peşəsini” rədd edir. Ən yaxşı halda bu cür qara işlərə göndərilən kriminal elementlər "torpeda” adlandırılır. "Torpeda”ların "oğru” tituluna layiq görülməsi isə sadəcə mümkün deyil.

Məhz Rusiya mediasının bu propaqandasına görə (Rusiyanın kriminal dünya üzrə ixtisaslaşan xəbər resursları azərbaycanlı kriminalitetlərə qarşı qərəzli mövqeyi ilə tanınır. Azərbaycanlı "oğru”ların Rusiyada söz sahibi olmasına qısqanclıqla yanaşılır) "Rufo Gəncinski" "Matrosskaya Tişina” həbsxanasında "oğru” kimi qəbul edilməmişdi.

Əslində isə "Rufo Gəncinski" "Rövşən Lənkəranski"nin ən inandığı adamlardan olub. Ona Dubayda keçirilən "sxodka”da "oğru” titulunun verilməsi Lənkəranskinin xidməti hesab edilir.

"Rufo Gəncinski" indi başqa bir azərbaycanlı "oğru” Əli Heydərovun (Albert Rıjıy) yerini tutub. Rusiya mediası belə yazır. Bu addım mərhum "oğru” Nadir Səlifovun (Lotu Quli) tərəfdarlarına qarşı başlanacaq savaşın tərkib hissəsi kimi dəyərləndirilir. "İki Namiq arasında” - Rusiya mediası "Rufo Gəncinski"ni hazırki vəziyyətini belə təqdim edir. "İki Namiq” deyiləndə isə Nadir Səlifovun qardaşı Namiq Səlifov (Namiq Bakinski) və Rövşən Canıyevin qardaşı Namiq Canıyevdir. Namiq Bakinski "oğru” titulu daşıyır və hazırda qardaşının qurduğu kriminal imperiyaya başçılıq edir. 

Maraqlıdır ki, Rusiya mediası Namiq Canıyevi də "oğru” kimi təqdim edir. Halbuki o, bu titula sahib deyil və heç bu iddiada da olmayıb. Namiq Canıyevin həbs olunması, kriminal dairələrlə təması isə sadəcə qardaşının qisasını alması ilə bağlı olub. 

Beləliklə, indi gözlər "Rufo Gəncisnki"nin atacağı addımlara dikilib. Bu addımlar əlbəttə ki, kriminal dünyanın qan çanağına dönəcəyi nəticələnə bilər.


Xəbər xətti

29 Mart 2024

Ən son xəbərləri səhifəmizdən də izləyin