Minimum pensiya məbləği 280 manat olacaq? - RƏSMİ AÇIQLAMA
18 Noyabr 2024
"Facebook" Korotçenkonun səhifəsini yenidən bağladı
17:04 - 22 Noyabr 2021
"Facebook" sosial şəbəkəsi Rusiyanın nüfuzlu "Natsionalnaya oborona" jurnalının baş redaktoru, məşhur hərbi ekspert İqor Korotçenkonun səhifəsini yenidən üç gün müddətinə bağlayıb.
Manşet.az xəbər verir ki, bu barədə ekspert öz "Telegram" kanalında bildirib.
Onun sözlərinə görə, səhifə ermənilərin şikayəti ilə Azərbaycanın əvvəllər işğalda olmuş ərazilərdə dağıntıların göstərildiyi filmə görə bağlanıb.
"Erməni silahlı qüvvələrinin vəhşilikləri barədə faktları ört-basdır etməklə "Facebook" və Mark Zukerberq bəşəriyyətə qarşı cinayətlərə haqq qazandırır və de-fakto bu cinayətlərin iştirakçısına çevrilir. "Facebook" rəhbərliyi artıq ikinci dəfə Kaliforniyadakı erməni lobbisinin "çoxsaylı müraciətlərini" nəzərə alaraq mənim səhifəmə girişi üç gün müddətinə bağlayıb. Maraqlısı odur ki, filmdəki faktların həqiqiliyini azad edilmiş bölgələrə səfər etmiş səfirlər, xarici jurnalistlər və ekspertlər tərəfindən təsdiqlənib. Amma görünür ki, "Facebook" üçün bu, önəmli deyil. Önəmli olan Ermənistan üçün öldürücü olan həqiqətin ört-basdır edilməsidir", - deyə İ.Korotçenko bildirib.
Xatırladaq ki, "Facebook" noyabrın 19-da da İ.Korotçenkonun səhifəsini üç gün müddətinə bağlasa da, qısa müddət ərzində çoxsaylı müraciətlərdən sonra açmışdı.
Digər xəbərlər
Xəbər xətti
18 Noyabr 2024
Ən son xəbərləri səhifəmizdən də izləyin