ADNSU-da “İrəvan: tarixi həqiqətlər və şəxsiyyətlər” kitabının təqdimatı keçirildi

ADNSU-da “İrəvan: tarixi həqiqətlər və şəxsiyyətlər” kitabının təqdimatı keçirildi - FOTOLAR

19:25 - 13 Dekabr 2024

Dekabrın 13-də Azərbaycan Dövlət Neft və Sənaye Universitetində (ADNSU) İrəvan Şəhər İcmasının sədri, filologiya elmləri doktoru, professor Fəridə Səfiyevanın “İrəvan: tarixi həqiqətlər və şəxsiyyətlər” kitabının təqdimatı keçirilib.

Manset.az xəbər verir ki, tədbiri giriş sözü ilə açan ADNSU-nun rektor əvəzi, dosent Vazeh Əskərov iştirakçıları salamlayaraq kitabın İrəvanın zəngin tarixi, çoxəsrlik mədəni irsi və orada yetişmiş tanınmış şəxsiyyətləri haqqında ətraflı məlumat verən geniş bir tədqiqat əsəri kimi dəyərli mənbə olduğunu deyib.

Riyaziyyat və mexanika İnstitutunun direktoru, professor Misir Mərdanov, Millət vəkili, Qərbi Azərbaycan İcmasının sədr müavini Hikmət Məmmədov, Akademik Abel Məhərrəmov, İqtisad elmləri doktoru, professor Əvəz Ələkbərli, Tibb elmləri doktoru, professor Paşa Qəlbinur və Milli Məclisin Təbii ehtiyatlar, energetika və ekologiya komitəsininn eksperti Səməd Vəkilov gündən-günə aktullaşan mühüm bir mövzuda dəyərli elmi-nəzəri əhəmiyyəti olan kitab ərsəyə gətiriyi üçün müəllifi təbrik ediblər, İrəvanın zəngin tarixi, çoxəsrlik mədəni irsi və orada yetişmiş tanınmış şəxsiyyətləri haqqında ətraflı məlumat verən dəyərli bir tədqiqat əsəri kimi kitabın əhəmiyyətindən danışıblar.

Çıxışçılar bildiriblər ki, İrəvan şəhərinin tarixi və şəxsiyyətləri haqqında məlumatların toplanması, sistemləşdirilməsi və nəşr edilməsi yalnız tarixi faktların qorunub saxlanılması üçün deyil, həm də gələcək nəsillərin milli-mənəvi dəyərləri daha dərindən öyrənməsi baxımından böyük əhəmiyyət daşıyır. Onlar həmçinin belə tədqiqatların yerli və beynəlxalq səviyyədə təbliğinin zəruriliyini qeyd edib, İrəvanın tarixi mirasının qorunub saxlanılması və gələcək nəsillərə çatdırılması baxımından əvəzsiz rol oynadığını vurğulayıblar.

Kitabın müəllifi Fəridə Səfiyeva göstərilən xüsusi diqqətə və rəğbətə görə iştirakçlara, xüsusilə ADNSU rəhbərliyinə dərin təşkkürünü bildirib. "İrəvan: tarixi həqiqətlər və şəxsiyyətlər” kitabının Prezident İlham Əliyevin alimlərə çağırışına cavab olaraq yazıldığını vurğulayan F.Səfiyeva kitabın Qərbi Azərbaycan həqiqətlərinin dünya miqyasında təbliğ edilməsi istiqamətində dövlətimizin gördüyü genişmiqyaslı işlərin tərkib hissəsi olacağına ümidvar olduğunu bildirib.
Qeyd edək ki, QHT-lərə Dövlət Dəstəyi Agentliyinin dəstəyi ilə çap olunmuş “İrəvan: tarixi həqiqətlər və şəxsiyyətlər” kitabı ötən əsrdə Qərbi azərbaycanlıların deportasiyaları zamanı İrəvanda baş vermiş hadisələrdən və şəhərin tanınmış şəxsiyyətlərindən bəhs edir.