Rusiyada fövqəlada vəziyyət elan edildi
27 Dekabr 2024
Bakı metrosu qış rejiminə keçdi
15:34 - 2 Dekabr 2024
Bakı metropolitenində stansiya və tunellərin güclü ventilyatorlarının qış iş rejimi tələblərinə uyğun tənzimlənməsinə başlanılıb.
Bu barədə Manset.az-a "Bakı Metropoliteni" QSC-dən məlumat verilib.
Bildirilib ki, bununla əlaqədar hər bir ventilyatorun iş rejimi təsdiq edilib.
Qeyd edək ki, 2018-ci ildən Bakı metropolitenində güclü ventilyatorların işi fəsillərə uyğun prinsiplər əsasında tənzimlənir. Həmin vaxta qədər ventilyatorların iş qrafiki il ərzində iki dəfə (aprel və noyabr aylarında) dəyişdirilirdi. Bakının iqlim şəraiti nəzərə alınmaqla tətbiq edilən yeni qayda havalandırma şəraitinə nəzarəti daha da yaxşılaşdırılaraq, dövrü monitorinqlər əsasında ən uyğun prinsiplərlə tənzimləməyə imkan verir.
Yeni qrafik zamanı hava haqqında proqnozlar, Ekologiya və Təbii Sərvətlər Nazirliyinin məlumatları, eləcə də gündəlik nəzarət və tənzimləmə mexanizmləri də diqqətdə saxlanılacaq. Bunun əsasında ventilyatorların iş rejiminə bu və digər dəyişikliklər də tətbiq ediləcək.
Digər xəbərlər
Xəbər xətti
Ən son xəbərləri səhifəmizdən də izləyin