TikTok Azərbaycanda TikTok For Business platformasını təqdim etdi Manset.az

TikTok Azərbaycanda TikTok For Business platformasını təqdim etdi

11:40 - 25 Oktyabr 2024

Qısa videoların izlənməsi və yaradılması üçün aparıcı platforma olan TikTok, Azərbaycandakı auditoriyaya TikTok For Business platformasını təqdim etdi. Bu platforma biznes vəzifələrinin effektiv həllinə kömək edir, brendlərin yaradıcı potensialını üzə çıxarır və marketinq yanaşmasını yenidən nəzərdən keçirməyə imkan yaradır.

TikTok - yaradıcılıq və özünüifadə, əyləncə və kəşflər üçün bir videoplatformadır və dünyada bir milyarddan çox insan tərəfindən istifadə olunur. TikTok Azərbaycanda müxtəlif yaş, fəaliyyət və peşələrə malik, fərqli maraq və hobbiləri olan canlı, unikal və çoxşaxəli bir cəmiyyəti bir araya gətirir. Platformanın istifadəçilər arasında artan populyarlığı bizneslər tərəfindən TikTok-a olan marağı artırır.

TikTok for Business-in istifadəyə verilməsi və inkişafı

Azərbaycanda platformaya olan yüksək marağı müşahidə edən TikTok, 2024-cü ildə yerli şirkətlərlə əməkdaşlığa başlayaraq onlara kreativ və effektiv reklam formatlarını və alətlərini mənimsəməkdə kömək edir.

TikTok for Business platforması: böyük beynəlxalq və yerli şirkətlərdən tutmuş kiçik və orta biznesə qədər; FMCG və gözəllik sənayesindən tutmuş elektron ticarət və video oyunların yaradıcılarına qədər hər miqyasda və sektorda biznesin inkişafı üçün effektiv alətlər təklif edir.

“TikTok for Business platformasının unikal xüsusiyyəti təkcə reklam mesajlarını auditoriyaya çatdırmaq imkanından ibarət deyil, eyni zamanda brendlər istifadəçilərlə eyni dildə ünsiyyət quraraq, onların etibarını və sevgisini qazana bilərlər. Biz biznesə məhz qarşıya qoyulan məqsədləri maksimum dərəcədə effektiv həll etməyə imkan verən həllər tapmaqda kömək edirik. TikTok for Business-in geniş alət dəsti istənilən hədəfə çatmağa imkan verir: yeni məhsulun bazara çıxarılmasından tutmuş satışların artırılmasına qədər. Biz Azərbaycanda şirkətlərin TikTok-un imkanlarını kəşf etməsinə və bizimlə tərəfdaşlıqda biznes göstəricilərini artırmasına yardım etmək istəyirik,” – deyə TikTok-un Azərbaycanda, Türkiyədə, Mərkəzi və Cənubi Asiyada Global Business Solutions departamentinin rəhbəri Barış Aldanmaz qeyd edib

Bizneslər TikTokdan necə istifadə edə bilər.

TikTok-da müxtəlif miqyasda və sahələrdə fəaliyyət göstərən şirkətlər orqanik məzmun yarada və marketinq qıfının bütün mərhələlərində öz biznes məqsədlərini həyata keçirə bilərlər. Platforma brendlərə özləri haqqında məlumatlılığı artırmaq, istifadəçiləri cəlb etmək və loyallığı gücləndirmək, onları tətbiqdən kənar fəaliyyətlərə həvəsləndirmək, konversiyaları artırmaq və satışları yüksəltməkdə kömək edir. TikTok-un Azərbaycanda şirkətlərə həll etməyə kömək etdiyi məsələlər:

Fəal və cəlbedici auditoriyaya çatmaq.

Dünyanın hər yerindən istifadəçilər TikTok-a yaxşı əhval-ruhiyyə, yaradıcı və maraqlı məzmun üçün gəlirlər. Brendlər də TikTok-u öz strategiyalarına yaradıcılığı və əyləncəni inteqrasiya etmək üçün seçməyə başlayıblar. Marketoloqlar artıq istehlakçıları yayındırmaq yerinə, onları əyləndirməyə daha çox diqqət yetirirlər və reklam istehlakçılar üçün narahatlıq yaradan elementdən zövqlə vaxt ayırdıqları məzmuna çevrilir.

TikTok-da reklamların nativlik və yaradıcı yanaşmanın birləşməsi əsasında qurulması platformanın icması tərəfindən müsbət qəbul edilir. Belə ki, Kantar-ın araşdırmasına görə, istifadəçilərimizin 74%-i platformada olan reklamları kreativ hesab edir, 67%-i isə TikTok-dakı reklamların unikal olduğunu düşünür [1]. Bu, brendlərə TikTok-da müsbət, diqqətli və maraqlı auditoriya ilə ünsiyyət qurmağa və platformadakı tövsiyələrə inanan istifadəçiləri cəlb etməyə imkan verir.

İstifadəçilərə brend məhsul və ya xidmət haqqında məlumat almağa kömək etmək

TikTok icması yaradıcı düşüncəli və dünyanı kəşf etmək həvəsində olan aktiv insanlardan ibarətdir. Onlar daim yeni kəşflər və ideyalar axtarışındadırlar, bu ideyalar isə onları real həyatda dəyişikliklərə ilhamlandırır. TikTok istifadəçiləri digər onlayn platformalarla müqayisədə 1,8 dəfə daha çox razılaşırlar ki, tətbiq onlara əvvəllər düşünmədikləri maraqlı mövzuları kəşf etməyə kömək edib [2]. İstifadəçilərin 80%-dən çoxu isə TikTok-un onlara maraqlı brendlər və məhsullar tapmaqda kömək etdiyini bildirir [3].

Alış- verişə ilham vermək

TikTok-da reklamlar auditoriya tərəfindən o qədər təbii qəbul edilir ki, platformada artıq 10 milyondan çox paylaşım olan #TikTokMadeMeBuyIt həştəqi formalaşıb. Bu etiket altında istifadəçilər dünyadan aldıqları məhsulları bölüşür, paket açır və almaq üçün səbirsizləndikləri məhsullardan danışırlar.

Araşdırmalar göstərir ki, TikTok-da fəal şəkildə reklam olunan məhsullar populyarlaşır və platformanın təbii formatında reklamlar auditoriya tərəfindən müsbət qarşılanır. Belə ki, qlobal sorğuya görə, platforma istifadəçilərinin 61%-i TikTok-da məzmunu gördükdən sonra alış-veriş ediblər [4]. TikTok istifadəçilərinin isə 76%-i platformadan ilhamlanaraq etdikləri alışlardan məmnun qalıblar [5].

İndi Azərbaycandakı şirkətlər TikTok-da öz bizneslərini inkişaf etdirmək üçün marketinq yanaşmalarını yeni səviyyəyə qaldırmaq, hədəf auditoriyası ilə etibarlı dialoq qurmaq, yaradıcılığı və satışları artırmaq üçün güclü alətə çevirmək daxil olmaqla bütün imkanlardan istifadə edə bilərlər.

Kantar, Ad Performance Study, 2020
TikTok Marketing Science Global Entertaining Ads Study 2022, conducted by Marketcast
TikTok Marketing Science MENAT - Brand Shopping Triggers - Conducted by IPSOS 2022
TikTok Marketing Science Global Shopping Ads Product Research Study 2022, conducted by Material
TikTok Marketing Science MENAT - TikTok Made Me - Conducted by IPSOS 2023

TikTok haqqında

TikTok aparıcı qısa video tətbiqidie. Bizim missiyamız insanları yaradıcı olmağa ruhlandırmaq və onlara sevinc bəxş etməkdir.