Bakı merinin müavinləri yoxdur - 4 yüksək posta təyinat ola bilər
26 Noyabr 2024
NATO-nun müdafiə nazirləri Brüsseldə toplaşdı
16:33 - 17 Oktyabr 2024
NATO ölkələrinin müdafiə nazirləri Brüsseldə Alyansın müdafiə və çəkindirici gücünün artırılması, Ukraynaya dəstək, Asiya-Sakit Okean və Avropa İttifaqı (Aİ) ilə tərəfdaşlıq əlaqələrinin gücləndirilməsi gündəliyi ilə görüşüblər.
Manset.az bu barədə xarici mediaya istinadən xəbər verir.
NATO-nun baş katibi Rutte iclasın girişində mətbuata açıqlama verib.
Asiya-Sakit okean tərəfdaşları olan Yeni Zelandiya, Avstraliya, Yaponiya və Cənubi Koreyanın müdafiə nazirlərinin ilk dəfə NATO-nun Müdafiə Nazirləri Toplantısına qatılacağını bildirən Rutte görüşdə AB-nin də iştirak edəcəyini və əməkdaşlığın dərinləşdirilməsinə önəm verildiyini bildirib.
O həmçinin Brüsseldə keçirilən Aİ sammitində iştirak etmək üçün gələn Ukrayna prezidenti Vladimir Zelenskinin də NATO Müdafiə Nazirləri Toplantısının bir hissəsinə qatılacağını bildirib.
Zelenski ilə oktyabrın 1-dən baş katib vəzifəsinin icrasına başladıqdan sonra ilk rəsmi səfərini etdiyi Kiyevdə, daha sonra isə Londonda görüşdüyünü xatırladan Rutte üçüncü dəfə NATO-nun mənzil-qərargahında görüşəcəklərini bildirib.
"Açığı, düşünürəm ki, biz hamımız Yaxın Şərqdə, Qəzzada, İsraildə, təbii ki, Livanda baş verənlərdən son dərəcə narahatıq. Hazırda İsrail İrana və onun etibarlı qüvvələrinə qarşı bir çox cəbhələrdə vuruşur. Bu, çox baha başa gəlir. Hadisələr hamımızı kədərləndirir və müttəfiqlərimlə söhbətimdən bilirəm ki, onlar bu böhranı aradan qaldırmaq üçün saatlarla çalışırlar".
Digər xəbərlər
Xəbər xətti
Ən son xəbərləri səhifəmizdən də izləyin