Parlamentin yeni tərkibdə ilk iclası: Gündəlikdə 17 məsələ var Manset.az

Parlamentin yeni tərkibdə ilk iclası: Gündəlikdə 17 məsələ var

12:40 - 30 Sentyabr 2024

VII çağırış Azərbaycan Respublikası Milli Məclisinin 2024-cü il payız sessiyasının ilk iclası başlayıb.

Manset.az xəbər verir ki, sessiyada Dövlət himni səsləndirilib.

Toplantının gündəliyinə 17 məsələnin müzakirəsi daxil edilib.

Həmin məsələlər aşağıdakılardır:

1. Milli Məclisin Hüquq siyasəti və dövlət quruculuğu komitəsi üzvlərinin seçilməsi haqqında.

2. Milli Məclisin Müdafiə, təhlükəsizlik və korrupsiya ilə mübarizə komitəsi üzvlərinin seçilməsi haqqında.

3. Milli Məclisin İnsan hüquqları komitəsi üzvlərinin seçilməsi haqqında.

4. Milli Məclisin Təbii ehtiyatlar, energetika və ekologiya komitəsi üzvlərinin seçilməsi haqqında.

5. Milli Məclisin İqtisadi siyasət, sənaye və sahibkarlıq komitəsi üzvlərinin seçilməsi haqqında.

6. Milli Məclisin Aqrar siyasət komitəsi üzvlərinin seçilməsi haqqında.

7. Milli Məclisin Əmək və sosial siyasət komitəsi üzvlərinin seçilməsi haqqında.

8. Milli Məclisin Səhiyyə komitəsi üzvlərinin seçilməsi haqqında.

9. Milli Məclisin Ailə, qadın və uşaq məsələləri komitəsi üzvlərinin seçilməsi haqqında.

10. Milli Məclisin Gənclər və idman komitəsi üzvlərinin seçilməsi haqqında.

11. Milli Məclisin İctimai birliklər və dini qurumlar komitəsi üzvlərinin seçilməsi haqqında.

12. Milli Məclisin Regional məsələlər komitəsi üzvlərinin seçilməsi haqqında.

13. Milli Məclisin Elm və təhsil komitəsi üzvlərinin seçilməsi haqqında.

14. Milli Məclisin Mədəniyyət komitəsi üzvlərinin seçilməsi haqqında.

15. Milli Məclisin Beynəlxalq münasibətlər və parlamentlərarası əlaqələr komitəsi üzvlərinin seçilməsi haqqında.

16. Milli Məclisin 2024-cü il payız sessiyasının qanunvericilik işləri planı haqqında.

17. Milli Məclisin Xarici müdaxilələrə və hibrid təhdidlərə qarşı müvəqqəti komissiyasının yaradılması haqqında.

***

09:18

Bu gün VII çağırış Azərbaycan Respublikası Milli Məclisi öz işinə başlayır.

Manset.az xəbər verir ki, 2024-cü il payız sessiyasında ilk iclası saat 11-00-də keçiriləcək.

Sessiyanın ilk iclasında yeni seçilmiş VII çağırış Milli Məclisin üzvlərinə Azərbaycan Respublikası Mərkəzi Seçki Komissiyası tərəfindən vəsiqələr təqdim ediləcək.

Qeyd edək ki, qanuna görə, hər bir deputata Azərbaycan Respublikası Milli Məclisi deputatının vəsiqəsi və döş nişanı verilir.

Deputatın vəsiqəsinin və döş nişanının təsviri və onlar haqqında əsasnamələr Milli Məclisin qərarı ilə təsdiq edilir.

İclasda, həmçinin VII çağırış Milli Məclisin ilk iclasında yaradılmış komitələrinin tərkibi formalaşacaq.

Qeyd edək ki, Milli Məclisin 15 komitəsi var. Ötən iclasa komitələrin sədrləri və sədr müavinləri seçilib.