Vardanyanın oğlu Azərbaycana qarşı kampaniyanı maliyyələşdirənlərdən olub - HESABAT
21 Dekabr 2024
Gürcüstan-Rusiya sərhədində məhdudiyyətlər tətbiq edilir
22:31 - 16 Sentyabr 2024
Gürcüstanda bütün növ avtomobillərin Yuxarı Lars beynəlxalq keçid məntəqəsinə keçidinə məhdudiyyətlər tətbiq edilir.
Manset.az Qafqazinfo-ya istinadən xəbər verir ki, bu barədə Gürcüstan Maliyyə Nazirliyinin Gəlirlər Xidmətinin mətbuat xidməti məlumat yayıb.
“Sentyabrın 18-dən oktyabrın 2-si daxil olmaqla, saat 06:00-dan 09:00-dək Kazbeqi gömrük-keçid məntəqəsindən hər iki ölkə istiqamətində bütün növ nəqliyyat vasitələrinin hərəkəti məhdudlaşdırılacaq. “Kazbeqi Ticarət və Sənaye Palatasının ərazisinə bitişik beynəlxalq avtomobil yolunda təcili təmir işləri planlaşdırılır, bu səbəbdən iş zamanı nəqliyyat vasitələrinin hərəkəti dayandırılacaq”, - məlumatda deyilir.
Bildirilib ki, bu saatlarda Gürcüstanın dövlət sərhədindən malların idxalı və ixracı, habelə fiziki şəxslər tərəfindən sərhədi keçməsi ilə bağlı prosedurlar həyata keçirilməyəcək.
Digər vaxtlarda isə Rusiya ilə sərhəddə gömrük-keçid məntəqəsi adi rejimdə tam gücü ilə fəaliyyət göstərəcək, malların idxalı və ixracı, habelə fiziki şəxslərin sərhəddən keçirilməsi maneəsiz həyata keçiriləcək.
Qeyd edək ki, “Kazbeqi - Yuxarı Lars” hazırda Gürcüstan-Rusiya sərhədində fəaliyyət göstərən yeganə gömrük keçid məntəqəsidir.
Digər xəbərlər
Xəbər xətti
21 Dekabr 2024
Ən son xəbərləri səhifəmizdən də izləyin