İlham Əliyev rəsmiləri qəbul etdi - YENİLƏNDİ
17 Noyabr 2024
ÜST-dən qorxulu proqnoz: fevrala qədər yarım milyon insan ölə bilər
00:04 - 5 Noyabr 2021
Peyvənd edilmədən və epidemioloji təhlükəsizlik tədbirlərinə əməl olunmasa, 2022-ci ilin fevralına qədər Avropada qitənin yarım milyon sakini COVID-19-dan ölə bilər.
Manşet.az "Report"a istinadən xəbər verir ki, bunu Ümumdünya Səhiyyə Təşkilatının (ÜST) Avropa departamentinin rəhbəri Hans Klüge deyib.
"Hazırda ölüm hallarının 75%-i 65 və daha yuxarı yaşda olan insanlarda baş verir. Proqnozlara görə, belə davam edərsə, 2022-ci il fevralın 1-nə qədər COVID-19-dan əlavə yarım milyon ölümün şahidi olacağıq", - Klüge bildirib.
ÜST rəsmisinin sözlərinə görə, regionun 43 ölkəsi xəstəxana çarpayılarının çatışmazlığı ilə üzləşəcək.
Klüge, həmçinin vurğulayıb ki, təşkilat regiondakı vəziyyətdən narahatdır. Belə ki, son həftələrdə Avropanın 57 ölkəsində bütün yaş qruplarında yoluxmaların sayı 55% artıb. O, yeni halların koronavirusun "delta" ştammı ilə əlaqəli olduğunu qeyd edib.
Bu səbəbdən ÜST 23 ölkənin koronavirusun yayılması ilə mübarizə tədbirlərini gücləndirmək qərarını dəstəkləyib və 7 dövlətin məhdudiyyətləri aradan qaldıran qərarı narahatlığa səbəb olub.
Digər xəbərlər
Xəbər xətti
Ən son xəbərləri səhifəmizdən də izləyin