Azərbaycan təmsilçiləri Paris-2024-ü neçə medalla başa vurdular?
8 Sentyabr 2024
08:05 - 9 Mart 2024
Hindistan ordusu quru qoşunları, hərbi hava qüvvələri və hərbi dəniz qüvvələrinin iştirakı ilə 12 martda genişmiqyaslı hərbi təlimlər keçiriləcək.
Manset.az axar.az-a istinadən xəbər verir ki, bu barədə "Tayms of İndia" məlumat yayıb.
Bildirilib ki, manevrlər zamanı Hindistan şirkətləri tərəfindən istehsal olunan 60-a yaxın silah sisteminin, o cümlədən "BrahMos" səsdən sürətli qanadlı raketlər, "Akaş" zenit-raket kompleksləri, "Svati" artilleriya kəşfiyyat stansiyaları, "Vajra" özüyeriyən haubitsaları, "Pinaka" reaktiv yaylım atəş sistemləri və digər silahların döyüş qabiliyyəti nümayiş etdiriləcək.
Təlimlərdə həmçinin "Tejas" qırıcıları, "Praçand" yüngül helikopterləri, ən son artilleriya sistemləri ilə təchiz edilmiş döyüş gəmiləri, torpedo silahları və pilotsuz uçuş aparatlarından da istifadə ediləcək.
Hindistan Baş naziri Narendra Modi və müdafiə naziri Rajnatx Sinqxin izləyəcəyi təlimlər Pakistanla sərhəddəki Racastan ştatının Tar səhrasında baş tutacaq.
Digər xəbərlər
Xəbər xətti
Ən son xəbərləri səhifəmizdən də izləyin