Azərbaycan NATO PA-nın 70-ci illik sessiyasında iştirak edir
24 Noyabr 2024
Ermənistanın "məğlubedilməzliyi" fikri bir mifdir - Brayza
18:47 - 21 İyun 2021
Erməni seçicilər indi başa düşürlər ki, Ermənistanın "məğlubedilməzliyi" fikri bir mifdir.
Manset.az xəbər verir ki, bunu ABŞ-ın Bakıdakı keçmiş səfiri Metyu Brayza trend-ə bildirib.
Onun sözlərinə görə, erməni seçicilər müharibədə məğlub olduqdan sonra 10 noyabr 2020-ci il tarixli üçtərəfli bəyanatda göstərilən həll şərtlərini qəbul etməkdən başqa çarələrinin olmadığını dərk etdilər:
"Beləliklə, yuxarıda qeyd olunanların hamısını nəzərə alaraq, düşünürəm ki, bu, erməni cəmiyyətinin perspektivləri üçün çox müsbət bir nəticədir. Cənubi Qafqazda sabitliyə ümid bəsləyənlər Ermənistandakı parlament seçkilərinin nəticəsini çox müsbət hesab edir. Söhbət Ermənistanın regional iqtisadiyyata inteqrasiyasından və həm Azərbaycan, həm də Türkiyə ilə iş birliyinin qurulmasından gedir".
Keçmiş səfir qeyd edib ki, Paşinyan seçkilərdə qəti bir qələbə qazanıb: "Partiyası səslərin təxminən 54 faizini, Robert Köçəryanın partiyası isə cəmi 21.04 faizini qazandı. Keçmiş Baş nazir və keçmiş prezident Serj Sarkisyanın partiyası səslərin yalnız 5.23 faizini qazandı. Buna görə də, Azərbaycan xalqı ilə müharibədə məğlub olmasına baxmayaraq, Ermənistan xalqının Nikol Paşinyanın xeyrinə seçim etməsi bəlkə də insanların köhnə korrupsioner bir rejimdən bezməsinin göstəricisidir. Çünki onun Azərbaycanla müharibədə məğlub olmasından sonra belə bir mandatla qalib gəlməsi mənim üçün çox təəccüblüdür. Məğlubiyyətdən sonra Ermənistandakı nümayişçilər onun istefasını tələb edərək küçələrə axışdılar. İndi isə Ermənistanda Paşinyana müxalif olan rejim provokasiya edə bilər".
Digər xəbərlər
Xəbər xətti
24 Noyabr 2024
Ən son xəbərləri səhifəmizdən də izləyin