Pişik səhvən təyyarədə qaldı, 24 saat ərzində 3 uçuş etdi

Pişik səhvən təyyarədə qaldı, 24 saat ərzində 3 uçuş etdi - FOTO

12:24 - 22 Yanvar 2025

Mittens adlı pişik səhvən təyyarədə unudulduqdan sonra təsadüfən tez-tez uçan şəxsə çevrilib.

Manset.az Associated Press Agentliyinə istinadən xəbər verir.

Mittens adlı pişik öz qəfəsində təyyarənin yük yerində unudulub. O,təsadüf nəticəsində təyyarə sərnişininə çevrilib və Yeni Zelandiya ilə Avstraliya arasında 24 saat ərzində üç uçuş edib.

Təyyarənin yerüstü xidmət işçiləri pişiyin sahibəsi Neas adlı xanıma xəbər edib ki, Göyərtəsində Mittensin olduğu təyyarə Yeni Zelandiyaya qayıdıb. Geri dönüş havada təxminən 7,5 saat davam edir.

“Öz özümə dedim ki, bu necə ola bilər? Bu necə baş verə bilər? Aman Allahım,” - Neas söyləyib.

Neas əlavə edib ki, Air New Zealand pilotuna uçuş zamanı əlavə sərnişin haqqında məlumat verilib və o, Mittens-in rahatlığını təmin etmək üçün yük bölməsində istiliyi işə salıb. Neasa deyiblər ki, yük yerinə qoyulmuş əlil arabası Mittensin qəfəsinin qarşısını kəsib. Odur ki, qəfəsi görməyiblər.

Neas daha sonra vurğulayıb: "Bu hadisə Melburndakı yeni həyatımız üçün əla başlanğıc olmadı, çünki ailəmiz bir yerdə deyildi, biz tam deyildik".

Mittens bir qədər arıqlayıb, lakin heç bir zərər görməyib.

"O, tez mənim qucağıma qaçdı, mənə qısıldı və bütün zamanların ən böyük qucaqlaşmasını etdi." - Neas deyib. "Bu, sadəcə olaraq bir rahatlanma idi."

Air New Zealand Mittensin səyahəti ilə bağlı bütün xərcləri ödəyəcək və yaranan sıxıntıya görə üzr istəyib, aviaşirkətin açıqlamasında deyilir.

Aviaşirkətin sözçüsü Alisha Armstronq, "Bunun bir daha təkrarlanmamasını təmin etmək üçün Melburndakı yerüstü xidmətimizlə sıx işləyəcəyik" deyib.

Bu arada Neas qeyd edib ki, Mittens, sadəcə, bir mehriban ev heyvanı deyil, "o indiyə qədər olmuş ən sevimli heyvandır".

"Pişik indi istədiyi qədər nəvaziş görür, çünki biz onu geri qayıtmasından sonra tamamilə rahatlaşmışıq."

Cat becomes accidental frequent flyer after getting mistakenly left on Air New Zealand flight

Mittens the cat becomes an accidental frequent flyer after getting mistakenly left on a plane