"Bu gün Rusiya və Azərbaycan iki etibarlı tərəfdaşdır" - İlham Əliyev
18 Dekabr 2024
Suriyada Müdafiə Nazirliyi yenidən təşkil edilir
17:49 - 17 Dekabr 2024
Suriyanın yeni hakimiyyəti müxalifət döyüşçüləri və köhnə ordunun fərari zabitlərini daxil etməklə müdafiə nazirliyini yenidən təşkil etməyi planlaşdırır.
Manset.az TASS-a istinadən xəbər verir ki, bu barədə ölkənin keçid hökumətinin Başçısı Məhəmməd əl-Bəşir “Əl-Cəzirə” telekanalına danışıb.
“Müdafiə Nazirliyi devrilmiş rejim dövründəki inqilabçılar və fərarilik edən zabitlər daxil olmaqla yenidən təşkil ediləcək və strukturlaşdırılacaq”, - o qeyd edib.
"Müdafiə Nazirliyi əməkdaşlarının əksəriyyəti ya qaçaraq silahlarını atıblar, ya da evlərinə qayıdıblar. Söhbət qanlı cinayətlərdə iştirak edənlərdən gedir", - əl-Bəşir əlavə edib. Onun sözlərinə görə, hazırda Suriyanın şimal-qərbində fəaliyyət göstərən qurtuluş hökuməti adlanan qurumda təhlükəsizliyi Daxili İşlər Nazirliyinin Dövlət Təhlükəsizliyi Xidmətinin əməkdaşları tərəfindən təmin edir.
Keçmiş hökumətin təhlükəsizlik qüvvələrinin əməkdaşlarının taleyi ilə bağlı, o, Suriyanın yeni hakimiyyət orqanlarının onların statusunun tənzimlənməsi və silahların təhvil verilməsi üçün mərkəzlər açmasına aydınlıq gətirib. “Biz qanlı cinayətlərdə iştirak etməyən və silahlarını təhvil verənlərin təhlükəsizdə qalacağını bildiririk”, - əl-Bəşir əlavə edib.
Digər xəbərlər
Xəbər xətti
18 Dekabr 2024
Ən son xəbərləri səhifəmizdən də izləyin