Azərbaycanın məşhur Xalq artisti vəfat etdi - FOTO
26 Noyabr 2024
COP29-a sədrlik Azərbaycana keçdi
11:44 - 11 Noyabr 2024
COP28-in Prezidenti Sultan Əhməd Əl-Cabir COP-a sədrliyi Azərbaycanın ekologiya və təbii sərvətlər naziri Muxtar Babayevə təhvil verib.
Manset.az xəbər verir ki, tədbiri giriş sözü ilə COP28-in Prezidenti Sultan Əhməd Əl-Cabir sədrliyi Muxtar Babayevə təhvil verib.
Prezidentin səlahiyyətlərini COP28-in Prezidenti Sultan Ahmad Al-Jaber Muxtar Babayevə ötürüb.
Qeyd edək ki, bu gün COP29 konfransının Yaşıl Zonadakı tədbirlərinə start verilib.
Xatırladaq ki, noyabrın 22-dək Bakı Stadionunda keçiriləcək COP29 Azərbaycanın bu günədək təşkil etdiyi ən nəhəng tədbirdir və regionda ilk dəfə Azərbaycanda baş tutur.
COP29 çərçivəsində ən yüksək səviyyəli tədbir – Dünya Liderlərinin İqlim Fəaliyyəti Sammiti noyabrın 12-13-də təşkil olunacaq.
COP29-dan əsas gözlənti iqlim maliyyəsi ilə bağlı ədalətli və ambisiyalı Yeni Kollektiv Kəmiyyət Hədəfinin (NCQG) razılaşdırılmasından ibarətdir.
COP29 Sədrliyi tərəfindən iqlim fəaliyyəti ilə dayanıqlı inkişaf məqsədləri arasında əlaqəni ehtiva edən, yaşıl enerji dəhlizləri, yaşıl enerji saxlancları, iqlim dayanıqlılığı üçün harmoniya, təmiz hidrogen, orqanik tullantılarda metanın azaldılması, yaşıl rəqəmsal fəaliyyət və digər mövzuları əhatə edən 14 təşəbbüs irəli sürülüb.
İqlim maliyyəsinin yaradılması fəaliyyət üçün şərait yaradan əsas prioritet olmaqla yanaşı, hamını bir araya gətirməklə 1,5°C öhdəliyinin yerinə yetirilməsinə töhfə verəcək.
Digər xəbərlər
Xəbər xətti
Ən son xəbərləri səhifəmizdən də izləyin