Fövqəladə Hallar Nazirliyində kadr dəyişikliyi olub.
Manset.az-ın əldə etdiyi məlumata görə, Fövqəladə hallar naziri general-polkovnik Kəmaləddin Heydərovun müvafiq əmri ilə nazirliyin Xüsusi Riskli Xilasetmə Xidmətinin rəis müavini, polkovnik İntiqam Axundlu həmin xidmətin rəisinin 1-ci müavini-qərargah rəisi vəzifəsinə təyin olunub.
Xatırladaq ki, Fövqəladə Hallar Nazirliyinin (FHN) Xüsusi Riskli Xilasetmə Xidməti rəisinin 1-ci müavini-qərərgah rəisi general-mayor Raul Zeynalov bir müddət öncə işdən çıxarılmışdı.
Qeyd edək ki, xidmətin əvvəlki rəisi, general-leytenant Etibar İsmayılov bir müddət öncə təqaüdə göndərilib. Son təyinata qədər onu müvəqqəti olaraq FHN-in Mülki Müdafiə Qoşunlarının "N" saylı hərbi hissəsinin alay komandiri, polkovnik Xaliq Hüseynov əvəz edirdi.
Manşet.az
