İlham Əliyev rəsmiləri qəbul etdi - YENİLƏNDİ
17 Noyabr 2024
Azərbaycanda covidin yeni dalğası nə vaxt gözlənilir? - Həkimdən açıqlama
22:18 - 4 Oktyabr 2021
Məktəb və universitetlərin açılmasına fərqli baxmaq lazımdır. Çünki məktəb şagirdləri peyvəndlənməyib, universitet tələbələri isə peyvəndlənib. Universitet üçün ciddi təhlükə gözlənilmir, odur ki, onların yenidən bağlanacağına inanmıram. Məktəblərdə isə yoluxma artarsa, bu məsələyə yenidən baxıla və tam yox, nisbi qapanma ola bilər.
Manşet.az xəbər verir ki, bu sözləri publika.az-a pulmonoloq Eldar Zeynalov deyib.
Ekspert bildirib ki, məktəb şagirdlərinin peyvəndlənməsi gözlənilir: "18 yaşından kiçik uşaqların peyvəndlənməsi də gündəmə gələ bilər. Artıq bəzi xarici ölkələrdə 13 yaşına kimi uşaqlarda peyvəndlənmə nəzərdə tutulub və hazırda onun üzərində təcrübələr aparılır. Gələcəkdə bu, bizdə də reallaşa bilər.
Əyani tədrisin bərpa olunması təbii ki, artıma təsir edəcək faktordur. Bir otaqda 10 şagirdin olması yoluxma faizini artırır və onlar uzun müddət bir-biri ilə təmasda olacaqlar. Onların daşıyıcı olub-olmamağı qeyri-müəyyəndir, odur ki, hansısa fikir söyləmək çətindir. Amma onu deyə bilərəm ki, qapanmaların olmayacağına əminəm, çünki kiçik yaşlı uşaqlar bu xəstəliyi asimptomatik keçirirlər. Mənim proqnozlarıma görə, təhsildə keçənilki kimi ləngimə və dayanmalar olmayacaq".
Həkim qeyd edib ki, havaların soyuması ilə əlaqədar respirator infeksiyaların artımı müşahidə olunacaq: "COVID-19, ya da adi qrip olmasını diaqnostik olaraq müəyyən etmək çətinlik yaradacaq. Təşvişə düşmək lazım deyil və yeni normalarla həyata davam etməliyik. Artıq bu məsələlərdə hamının məlumatı böyükdür. Hər hansı şagird, müəllim və vətəndaş özündə temperatur və ya digər simptomlar görürsə, müvəqqəti olaraq izolyasiya olmalıdır. Növbəti dalğa olsa belə, əvvəlkilər qədər yüksək olmamalıdır. Vətəndaşlar özlərini qorusa və qaydalara əməl etsə, məhdudiyyətlərin yenidən qüvvəyə minməsinin qarşısını almaq mümkün olacaq".
Digər xəbərlər
Xəbər xətti
Ən son xəbərləri səhifəmizdən də izləyin