Bu və növbəti şənbə tam iş günüdür
15 Noyabr 2024
Zelenski Saakaşvilinin müdafiəsinə qalxdı
13:17 - 3 Oktyabr 2021
"Siz çox yaxşı bilirsiniz ki, mən daim Ukrayna prezidenti kimi Ukrayna vətəndaşlarının vətənə qayıdışı ilə məşğulam”.
Manset.az xəbər verir ki, bu sözləri Ukrayna Prezidenti Volodimir Zelenski Gürcüstanın sabiq prezidenti Mixeil Saakaşvilinin Tbilisidə həbsdən azad edilməsi ilə bağlı rəsmi Kiyevin atacağı addımlar barədə sualı cavablandırarkən deyib.
"Hakimiyyətin mənə verdiyi müxtəlif imkanlar var. Cənab Saakaşvili Ukrayna vətəndaşıdır, bu imkanlar həmçinin ona da aiddir. Xarici İşlər Nazirliyi və Gürcüstanda çalışan səfirliyimiz də daxil olmaqla, bütün qurumlar, Gürcüstanın Ukraynadakı səfiri, nazirlər kabinetləri arasında, baş nazirlər səviyyəsində hamı bununla məşğul olacağıq”, - prezident bildirib.
Zelenski qeyd edib ki, Saakaşvilinin Gürcüstana getmək qərarını yanlış hesab edir. Ukrayna lideri Saakaşvilinin Gürcüstana getməsi barədə məlumatsız olub. O, bu barədə kütləvi informasiya vasitələrindən xəbər tutub.
Digər xəbərlər
Xəbər xətti
15 Noyabr 2024
Ən son xəbərləri səhifəmizdən də izləyin