"Bizi təhdid edən ölkələr arasında İran xüsusilə fərqlənir".
Manset.az xəbər verir ki, bunu parlamentin plenar iclasında deputat Fəzail Ağamalı deyib.
O, bildirib ki, İran beynəlxalq hüququ kobud şəkildə pozaraq Azərbaycan ərazilərində erməni tör-töküntülərinə yardım etməyə davam edir: "Hətta bizi təhdid etməkdən belə çəkinmirlər. Azərbaycan müstəqillik illərində İrana qarşı səmimi münasibət sərgiləyib. İrana qarşı Azərbaycan ərazisindən istifadəyə qətiyyətlə izin verilməyib. Erməniləri müdafiə edən İran nankorluq edir. İranın fəaliyyəti islam dəyərlərinə sığmır. İran bu əməllərindən əl çəkməli, mehriban qonşuluq münasibətlərinə üstünlük verib, Azərbaycanla münasibətlərinə ciddi önəm verməlidir. Bundan sonra da Ali Baş Komandanın rəhbərliyi ilə bu kimi təhdidlərə ciddi cavab vermək əzmindəyik".
Ölkə.az
