İranın daxili işlər naziri Əhməd Vahidi paytaxt Tehranda keçirilən kabinet iclasında əksəriyyəti əfqanların təşkil etdiyi ölkədə nizamsız mühacir problemi ilə bağlı açıqlamalar verib.
Manset.az-ın xarici mediaya istinadən xəbərinə görə, Vahidi ölkədəki qeyri-qanuni mühacirlərin deportasiya edilməli olduğunu və ölkələrinə göndərilənlərin geri qayıtmasının qarşısını almaq üçün təsirli mexanizmlərə ehtiyac olduğunu bildirib.
Vahidi, həmçinin, İranda anti-Əfqan əhval-ruhiyyəsinin yaşanmaması lazım olduğunu vurğulayıb.
O, bildirib ki, 1979-cu ildə Sovet İttifaqının Əfqanıstanı işğal etməsindən sonra İrana başlayan əfqan qaçqın axını ABŞ-ın işğalı, vətəndaş müharibələri və qeyri-sabitlik səbəbindən təxminən 42 ildir davam edir.
Xüsusilə, son illərdə təhlükəsizlik, siyasi və iqtisadi problemlərin yaşandığı Əfqanıstandan İrana qeyri-qanuni mühacirlərin intensiv axını müşahidə olunur.
İran rəsmiləri qeyri-rəsmi məlumatlara görə bildirirlər ki, ölkədə təxminən 5 milyon əfqan var və onların çoxu qeyri-qanuni mühacirdir.
Əfsanə
Manşet.az