İsrail hökuməti Qəzzaya hücumları yaxından izləyən Əl-Cəzirə televiziyasının İsraildəki ofisinin bağlanmasına icazə verən qərarı təsdiqləyib.
Manset.az-ın xarici mediaya istinadən məlumatına görə, İsrail “dövlət təhlükəsizliyinə təhdid yaradan” televiziya kanallarının bağlanmasına icazə verən qaydaları təsdiqləyib.
Qərara uyğun olaraq İsraildəki Əl-Cəzirə ofislərinin bağlanmasının və avadanlıqlarının müsadirə edilməsinin mümkün olduğu bildirilib.
Bildirilib ki, İsrail rəsmiləri Əl-Cəzirə telekanalının yayımlarının İsrail əsgərləri və vətəndaşları üçün təhlükə yaratdığını müdafiə edib.
İsrail hökumətinin qərarı ilə bağlı Əl-Cəzirə televiziyasından heç bir açıqlama verilməyib.
Qətər mərkəzli Əl-Cəzirə telekanalının İsraildəki ofislərinin bağlanmasına İsrail Xarici Kəşfiyyat Təşkilatı Mossad, İsrailin rabitə naziri Şlomo Karhi, müdafiə naziri Yoav Qalant və Xarici İşlər Nazirliyi tərəfindən dəstək verildiyi açıqlanıb.
Əfsanə
Manşet.az
