İsrail və HƏMAS arasında gedən döyüşü yerində izləyən və son hadisələri anında xəbər verən CNN TÜRK Xüsusi Xəbər rəhbəri Öztürk və operator Halil Kahraman telefonla təhdid edilib.
Manset.az-ın xarici mediaya istinadən məlumatına görə Öztürk aldığı təhlükəni sosial media hesabında paylaşaraq səhər saatlarında yenidən telefon zəngi aldığını və fotolarının İsrail Telegram səhifələrində paylaşıldığını bildirib:
"Dostlar, vacib bir məsələ var. Mən İsraildə İsrail xəttindən istifadə edirəm. Bir az əvvəl bu 4 rəqəmli "02-21" nömrədən mənə zəng etdilər. Səsi zəif olan bir kişi "İsraildəsən? Özünə diqqət et. Yenidən zəng edəcəm”, - dedi.
Həmçinin, CNN TÜRK-ə canlı yayımda qoşulan və yaşadıqlarını Hande Fırata danışan Öztürk bunları deyib:
“Dördrəqəmli 0221 nömrəsi mənə zəng etdi. Zəngdən dərhal sonra tvit yazdım. Sakit səsli adam idi. Dəfələrlə "İsraildəsən?" dedi. Başqa bir şeylər də dedi, amma mən onu tam başa düşə bilmədim. “Özünə diqqət et, yenə zəng edəcəm” dedi. Bu telefon tək başına heç nə demək olmaya bilər, lakin onun tarixi var. İsrail Telegram səhifələrində mənim şəkillərimi paylaşırdılar. Açığı, ilk vaxtlar bunlara çox fikir vermədim. Mən İsrail xəttindən istifadə edirəm. Açığı, bunu çox adam bilmir. Ona görə də təəccübləndim. Mənə ancaq direktorun kabinetindən zəng edirlər. Başqa bir nömrə zəng etmir. Ona görə də bu 4 rəqəmli rəqəmi görəndə təəccübləndim. Dərhal səfirliyə zəng etdim. Lazım olan yerlərlə də danışıram. Komanda yoldaşlarım və mən indi yaxşıyıq”.
Əfsanə
Manşet.az
