Ölkədə birinci sırada hipertoniya xəstəliyindən əziyyət çəkənlər üstünlük təşkil edirlər. İlkin mərhələdə növbəti ildən bu xəstəliyin ambulator müalicəsi üçün xəstələrə dərmanların verilməsi nəzərdə tutulur.
Manset.az oxu.az-a istinadən xəbər verir ki, bu barədə İcbari Tibbi Sığorta üzrə Dövlət Agentliyinin (İTSDA) Tibbi iddialar departamentinin rəhbəri Nərgiz Ağayeva bildirib.
O qeyd edib ki, təkliflər artıq Nazirlər Kabinetinə göndərilib:
“Təkliflərdə ilk siyahıda yüksək təzyiq xəstəliyindən əziyyət çəkənlər nəzərdə tutulub. Ambulator müalicə zamanı hipertoniya xəstəliyi ilə bağlı dərman preparatların verilməsi nəzərdə tutulub. Növbəti mərhələdə mədə-bağırsaq, epilepsiya, tənəffüs yolu xəstəlikləri və s. üzrə statistik nəticələrə uyğun olaraq dərman preparatlarının verilməsinə baxılacaq”.