9 noyabr Azərbaycanda Dövlət Bayrağı Günüdür
9 Noyabr 2024
“Bizim üçün S-400 məsələsi bitib”- Ərdoğan
22:33 - 23 Sentyabr 2021
Türkiyənin Rusiyadan aldığı S-400 sistemlərinə görə ABŞ-ın təzyiqlərini qəbul etməsi mümkün deyil.
Bunu Türkiyə prezidenti Rəcəb Tayyib Ərdoğan Nyu-Yorkdakı Türk Evində keçirdiyi mətbuat konfransı zamanı bildirib.
“Baxın, biz F-35-ləri aldıq. 1 milyard 400 milyon dollar ödədik və F-35-lər bizə verilmədi. Amerika öncə bunu həll etməlidir. S-400-ləri bəhanə edib bizə F-35-ləri verməmək nə dövlətlərarası münasibətlər, nə də diplomatiya baxımından düzgün deyil. Əlbəttə ki, biz beynəlxalq hüquq nəyi tələb edirsə, onu edəcəyik. Ancaq S-400-lərə görə davamlı təzyiqləri qəbul etməyimiz mümkün deyil. Bizim üçün S-400 məsələsi bitib. Burada geri addım atmağımız da mümkün deyil. Amerikanın bu faktı ikitərəfli və beynəlxalq münasibətlərdə doğru şəkildə nəzərə alması lazımdır”, - deyə Ərdoğan bəyan edib.
O, Türkiyənin özünü qorumaq üçün lazım olanı alacağını da bildirib.
“Sən bizə “Patriot” verməyəcək, sonra da “Niyə S-400 aldın” deyəcəksən? Türkiyə özünü qorumaq üçün lazım olanı alacaq. Gərəkərsə, onları istehsal da edəcək, artıq başladıq da”, - deyə əlavə edib.
Digər xəbərlər
Xəbər xətti
9 Noyabr 2024
Ən son xəbərləri səhifəmizdən də izləyin