Gənc şair faciəvi şəkildə öldü
16 Noyabr 2024
Bakıda ağacların kəsilməsi ilə bağlı toplanmış sənədlər prokurorluğa göndərildi
10:53 - 23 Sentyabr 2021
Binəqədi rayonu, Mirzə Məmmədxan küçəsi 74 ünvanında, "Oba market"in qarşısında ağacların kəsilməsi ilə bağlı Dövlət Ekoloji Təhlükəsizlik Xidmətinə daxil olan şikayət əsasında aparılan araşdırma başa çatıb.
Bu barədə Manset.az-a Xidmət rəsmisi Vaqif Cavadov bildirib.
O deyib ki, araşdırma zamanı sözügedən ərazidəki ağacların kəsilməsinə görə təbiətə 1 200 manat məbləğində ziyan dəydiyi müəyyən edilib: “İlkin araşdırma zamanı "Oba market"in qarşısındakı ağacların marketin rəhbərliyinin göstərişi əsasında kəsildiyinə əsaslı şübhələr yarandığından və təbiətə dəymiş ziyanın məbləği cinayət tərkibi yaratdığından toplanmış sənədlər Binəqədi Rayon Prokurorluğuna göndərilib”.
V.Cavadov onu da qeyd edib ki, kəsilmiş və düzgün budanmamış ağacların yerinə yenilərinin əkilməsi üçün Bakı şəhər Yaşıllaşdırma Birliyinə rəsmi müraciət olunub.
Digər xəbərlər
Xəbər xətti
16 Noyabr 2024
Ən son xəbərləri səhifəmizdən də izləyin