"Real"ın baş məşqçisi Karlo Ançelotti komandanın sabiq baş məşqçisi Zinəddin Zidanı geridə qoyub.
Manset.az xəbər verir ki, bu, La Liqanın 5-ci turunda "Real Sosyedad"la görüşdə qeydə alınıb. Ançelottinin komandası rəqibinə 2:1 hesabı ilə qalib gəlib. Bu, Ançelottinin "Real"la qazandığı 173-cü qələbəsi olub. 63 yaşlı mütəxəssis belə nəticə ilə komandanın sabiq baş məşqçisi Zinəddin Zidanı geridə qoyub (172).
Bu göstəriciyə görə lider 357 qələbəsi olan Miqel Munosdur.
Qeyd edək ki, Karlo Ançelotti 2021-ci ilin yayından "Real"ın baş məşqçisidir. O, daha əvvəl 2013-2015-ci illərdə Madrid klubunda eyni vəzifədə işləyib.