İranda ötən sutkada 355 nəfər koronavirusdan öldü

15:08 - 18 Sentyabr 2021 - DÜNYA

İranda ötən sutka ərzində 355 nəfər koronavirusdan (COVID-19) ölüb, 12 847 nəfər yoluxub.

Manşet.az-ın məlumatına görə, bunu İranın Səhiyyə, Müalicə və Tibbi Təhsil Nazirliyi elan edib.

Bununla da İranda bu virusdan ölənlərin sayı 116 791 nəfərə, yoluxanların sayı isə 5 408 860 nəfərə çatıb. Virus daşıyıcılarından 6 836 nəfərin vəziyyəti ağır qiymətləndirilir.

Ölkədə indiyədək 4 736 896 nəfər koronavirusdan sağalıb, 30,8 milyondan çox diaqnoz testi həyata keçirilib.

Ümumilikdə, İranda təxminən 42 milyon vaksin vurulub. Birinci mərhələ üzrə vaksinasiya olunanların ümumi sayı 28,4 milyon, ikinci mərhələ üzrə vaksinasiya olunanların sayı isə 13,6 milyon təşkil edir.

Koronavirusa yoluxma üzrə 57 rayon qırmızı, 238 rayon isə narıncı zona hesab olunur. Qırmızı və narıncı zona hesab olunan rayonlara gediş-gəliş qadağandır. Bundan başqa 136 rayon sarı zona hesab olunur.


Loading...

Xəbər xətti

26 Oktyabr 2021