Küləkli hava şəraiti ilə bağlı SARI XƏBƏRDARLIQ
24 Noyabr 2024
Qurban Qurbanov mətbuat konfransında pivə butulkalarını yığışdırmağı tələb etdi
10:50 - 17 Sentyabr 2021
“Qarabağ”ın baş məşqçisi Qurban Qurbanov “Bazel”lə matçdan sonra keçirilən mətbuat konfransında pivə şüşələrinin qarşısından götürülməsini istəyib.
Manset.az xəbər verir ki, onun bu istəyi yerinə yetirilib və mütəxəssis çıxış edən zaman masada şüşələr olmayıb.
Q.Qurbanov jurnalistlərə açıqlama verib konfrans zalından çıxdıqdan sonra pivə şüşələri yerinə qoyulub.
Onun bu davranışı sosial mediada birmənalı qarşılanmayıb. Belə ki, təcrübəli məşqçinin masadan sponsora məxsus məhsulun götürülməsini istəməsi bir qrup insanın narazılığına səbəb olub. Əsasən qeyri-inanclılar Qurbanovun bu addımını dini inancla əlaqələndirib.
Əksəriyyət isə onun masasında hər hansı məhsulu görmək istəməməsinin hüquqları çərçivəsində olduğunu bildirib.
Qeyd edək ki, portuqaliyalı ulduz Kristiano Ronaldo da mətbuat konfransı zamanı qarşısından Coca-cola şüşəsini götürərək dünya mediasında gündəm olmuşdu. Ondan sonra fransalı Pol Poqba da oxşar addımı ilə yadda qalmışdı.(olke.az)
Digər xəbərlər
Xəbər xətti
24 Noyabr 2024
Ən son xəbərləri səhifəmizdən də izləyin