Sabahdan Azərbaycanda benzinin qiyməti BAHALAŞACAQ

21:50 - 14 Sentyabr 2021 - İQTİSADİYYAT

Azərbaycanda sabahdan etibarən "Aİ-95” premium və "Aİ-98” super markalı benzinin qiymətində dəyişiklik ediləcək.

Manşet.az-ın məlumatına görə, "Aİ-95” markalı benzinin qiyməti 1,60 AZN, "Aİ-98” markalı benzinin qiyməti isə 1,90 AZN təşkil edəcək.

Ölkəmizdə premium və super markalı benzinin qiymətinin artmasına beynəlxalq bazarda məhsulun dəyərinə təsir edən amillər səbəb olub. 

Qeyd edək ki, "Aİ-95” premium və "Aİ-98” super markalı benzin Azərbaycanda istehsal olunmadığından xarici ölkələrdən idxal edilir. Məhsulun bu ölkələrdə qiymətinin artması onun idxal dəyərinə və eləcə də respublikamızdakı satış qiymətinə də birbaşa təsir edir. 

Xatırladaq ki, son qiymət dəyişikliyinə qədər respublikamıza xaricdən idxal edilən "Aİ-95” premium markalı benzinin qiyməti 1,45 AZN, "Aİ-98” super markalı benzinin qiyməti 1,60 AZN təşkil edirdi.

(Oxu.az)


Loading...

Xəbər xətti

20 Sentyabr 2021