<

Azərbaycan və İtaliya arasında hərbi əməkdaşlıq müzakirə olundu

20:19 - 6 İyun 2023

Azərbaycan və İtaliya arasında hərbi əməkdaşlıq müzakirə olundu

İtaliyada səfərdə olan Azərbaycan Hərbi Dəniz Qüvvələri (HDQ) komandanı vitse-admiral Sübhan Bəkirov iyunun 6-da bu ölkənin Hərbi Dəniz Qüvvələri komandanı admiral Enriko Kredendino ilə görüşüb.

 

Bu barədə Manset.az-a Müdafiə Nazirliyindən məlumat verilib.

Vitse-admiral S.Bəkirov italiyalı həmkarına Azərbaycanın müdafiə naziri general-polkovnik Zakir Həsənovun salamlarını çatdırıb, 8-ci “Seafuture 2023” Beynəlxalq Dəniz Müdafiəsi sərgisinə dəvətə görə minnətdarlığını bildirib.

Görüşdə hər iki ölkənin Hərbi Dəniz Qüvvələri arasında hərbi, hərbi təhsil və digər sahələrdə əməkdaşlığın inkişaf perspektivlərinə, eləcə də qarşılıqlı maraq doğuran bir sıra məsələlərə dair ətraflı fikir mübadiləsi aparılıb.


Xəbər xətti

19 Mart 2024

Ən son xəbərləri səhifəmizdən də izləyin