Qəzadan sonra suya düşdüyü ehtimal edilən şəxsin sürücülük vəsiqəsi olmayıb - VİDEO

Yevlaxda baş verən ağır yol-nəqliyyat hadisəsi zamanı itkin düşən 20 yaşlı Vəfadar İsmayılzadənin axtarışları davam edir.

Manset.az xəbər verir ki,  ailə üzvləri ehtimal edirlər ki, hadisə zamanı o, su kanalına düşüb.

“Ad günü idi, dostları ilə birgə Mingəçevirə istirahətə gedirdilər. Maşın dostunun olub, Vəfadarın sürücülük vəsiqəsi yoxdur”, - deyə itkin düşən şəxsin anası bildirib.

V.İsmayılzadənin qohumu Elçin Əliyev hazırda axtarışların davam etdiyini və ailəsinin narahat olduğunu qeyd edib:

“Nə ölüsünü, nə də dirisini tapa bilirik”.

Qeyd edək ki, Vəfadar evin tək oğul övladı olub.