Bu məhsulların qiyməti kəskin ucuzlaşdı - VİDEO
23 Noyabr 2024
Azərbaycan və Gürcüstanın XİN başçıları Antalya forumunda iştirak edəcəklər
01:15 - 18 İyun 2021
Gürcüstan baş nazirinin müavini, xarici işlər naziri David Zalkaliani Antalya Diplomatiya Forumunda iştirak etmək üçün iyunun 18-19-da Türkiyədə səfərdə olacaq.
Manşet.az yerli bürosu xəbər verir ki, bu barədə Gürcüstanın Xarici İşlər Nazirliyindən (XİN) məlumat verilib.
Bildirilib ki, forumun açılış mərasimində Türkiyə prezidenti Rəcəb Tayyib Ərdoğan və XİN başçısı Mövlud Çavuşoğlu çıxış edəcəklər. Müxtəlif ölkələrdən olan liderlər, diplomatlar və elmi dairələrin nümayəndələri pandemiyanın yaratdığı çətinliklər, qlobal təhlükəsizlik mühiti və bu kontekstdə diplomatiyanın rolu barədə müzakirələr aparacaqlar.
D.Zalkaliani forum çərçivəsində azərbaycanlı həmkarı Ceyhun Bayramovla birgə “Cənubi Qafqaz: Regional sülh və əməkdaşlıq üçün yeni imkanlar” mövzusunda paneldə iştirak edəcək.
Türkiyəyə səfəri çərçivəsində XİN başçısı Ukraynanın xarici işlər naziri də daxil olmaqla, həmkarları ilə ikitərəfli görüşəcək. O, habelə digər rəsmi şəxslərlə də görüşlər keçirəcək.
Report
Digər xəbərlər
Xəbər xətti
Ən son xəbərləri səhifəmizdən də izləyin