Bu qaydanı pozan sürücülər 200 AZN CƏRİMƏLƏNƏCƏK – RƏSMİ
23 Aprel 2024
Azərbaycanın tanınmış cüdoçusu karyerasını başa vurdu - FOTO
15:10 - 27 Fevral 2023
Azərbaycanın tanınmış cüdoçusu Elmar Qasımov peşəkar karyerasını başa vurub.
Manset.az xəbər verir ki, 33 yaşlı idmançı bu barədə Azərbaycan Cüdo Federasiyasını məlumatlandırıb.
100 kq çəki dərəcəsində çıxış edən Qasımov cüdonun onun həyatında mühüm rol oynadığını bildirib: "Karyeram boyu hər zaman Möhtərəm Prezident İlham Əliyevin bütün idmançılara olduğu kimi, mən də diqqətini və qayğısını hiss etmişəm və buna görə də ölkə başçısına dərin minnətdarlığımı bildirirəm. Həmçinin, bu yolda məni müşayiət edən məşqçilərim Fərhad Məmmədova, Əli Dəvrişova, Ağayar Axundzadəyə, Hacıağa Hacıəhmədova, Mövlud Mirəliyevə, o cümlədən əldə etdiyim nailiyyətlərdə mənə dəstək olan Azərbaycan Cüdo Federasiyasına, yığmanın tibbi və texniki heyətinə təşəkkürümü bildirirəm. Hazırda hədəflərim başqadır və diqqətimi yeni planlarıma yönəltmək istəyirəm".
Qeyd edək ki, Elmar Qasımov 2016-cı il Rio Yay Olimpiya Oyunlarının gümüş medalçısı olmaqla yanaşı, 2009-cu ildə İrəvan şəhərində keçirilən gənclərin Avropa çempionatında qızıl medal qazanıb. O, dünya çempionatının bürünc mükafatçısı və Avropa çempionatının üçqat mükafatçısıdır. İki dəfə nüfuzlu “Masters” turnirinin qalibi olmaqla yanaşı, Böyük Dəbilqə və Qran Pri yarışlarında ümumilikdə 18 medal qazanıb.
Digər xəbərlər
Xəbər xətti
23 Aprel 2024
Ən son xəbərləri səhifəmizdən də izləyin