“Dedik ki, bir neçə saata Xankəndiyə daxil olacağıq” - Prezident
25 Aprel 2024
Türkiyədə zəlzələdən sonra istintaqa cəlb edilənlərin sayı açıqlandı
20:58 - 25 Fevral 2023
Türkiyədə bir-birinin ardınca baş verən zəlzələlərdən sonra müxtəlif şəhərlərdə çökən binalarla əlaqəli olan 600-dən çox insana qarşı araşdırmalar aparılır.
Manset.az “Report”a istinadən xəbər verir ki, bunlar tikinti podratçıları, bina sahibləri və mühəndislərdir.
Hazırda yoxlamalar davam edir və binaların çökməsində yeni dəlillərin aşkarlanması cinayət istintaqı üçün əsas götürülüb.
Mütəxəssislər zəlzələnin ardından bir çox binaların aşağı səviyyəli tikinti materiallarından tikildiyi və dövlət standartlarına cavab vermədiyi qənaətindədir.
Qeyd edək ki, fevralın 6-da ocağı Türkiyənin Kahramanmaraş şəhərinin Pazarcık rayonunda olan 7,7 maqnitudalı və 9 saat sonra episentri eyni şəhərin Elbistan rayonu olan 7,6 maqnitudalı iki zəlzələ olub.
Güclü yeraltı təkanlardan sonra bölgədə 6,6 maqnitudayadək 6 000-dən çox afterşok qeydə alınıb. İki zəlzələ həmçinin Livan, Kipr, İraq, İsrail, İordaniya, İran və Misirdə hiss edilib.
Təbii fəlakət Türkiyə və Suriyada böyük dağıntı və onminlərlə itkiyə səbəb olub. Türkiyənin zəlzələ baş verən 10 şəhərində 3 aylıq fövqəladə vəziyyət elan olunub.
Bu hadisə Türkiyədə 1939-cu ildən bəri qeydə alınan ən güclü zəlzələ kimi tarixə düşüb.
Zəlzələdən dərhal sonra Azərbaycanda qardaş ölkə üçün yardım toplanmasına başlanılıb. Hadisə nəticəsində 44 218 nəfər ölüb.
Digər xəbərlər
Xəbər xətti
25 Aprel 2024
Ən son xəbərləri səhifəmizdən də izləyin