Türkiyədə zəlzələ nəticəsində dağılan binalara görə daha 3 nəfər həbs edildi

22:53 - 21 Fevral 2023

Türkiyədə zəlzələ nəticəsində dağılan binalara görə daha 3 nəfər həbs edildi

Türkiyənin 10 bölgəsində baş verən, Kahramanmaraş mərkəzli zəlzələlərdə dağılan binalarla əlaqədar İstanbulda saxlanılan 6 podratçıdan 3-ü həbs edilib.

 

Manset.az Trt Haber-ə istinadən xəbər verir ki, İstanbul Polis İdarəsi Maliyyə Cinayətləri ilə Mübarizə Şöbə Müdirliyi Kahramanmaraşda baş verən zəlzələlər zamanı dağılan binalarla bağlı Qaziantep və Malatya Respublika Prokurorluqlarının başlatdığı araşdırmalar çərçivəsində İstanbulda 6 podratçını saxlayıb.

Zəlzələdə dağılan Doğansoy Mənzilinin podratçısı, Şadoğlu Mənzilinin podratçısı, Serap Mənzilinin podratçısı, Zorlu Mənzilinin podratçısı, Bahçelioğlu Mənzilinin podratçısı və Mazıcı Apartments-ın podratçısı  polis bölməsindəki əməliyyatlardan sonra ədliyyəyə sövq edilib.

Podratçılardan bir neçəsi ölkədən çıxışına qadağa qoyulması və müəyyən fasilələrlə polis bölmələrinə imza atmaq üçün gəlməklə məhkəmə zalından azadlığa buraxılıb.

Jalə

Manşet.az


Xəbər xətti

29 Mart 2024

Ən son xəbərləri səhifəmizdən də izləyin