Türkiyənin "Yeni Malatyaspor" klubunun qapıçısı Ahmet Eyüp Türkaslan zəlzələ zamanı dağıntılar altında qalıb.
Manset.az axşam.az-a istinadən bildirir ki, bu haqda Türkiyə mediası xəbər yayıb. Ötən ilin noyabrında ailə quran Ahmetin həyat yoldaşı dağıntılar altından çıxarılıb. 28 yaşlı futbolçunun isə xilas olunması sahəsində işlər aparılır.
Qeyd edək ki, Türkiyə Prezidenti Rəcəb Tayyib Ərdoğanın sözlərinə görə, zəlzələ nəticəsində 912 nəfər həlak olub, 5385 nəfər xəsarət alıb.
