<

"Bu qan İranın üzərində qalacaq" - Musa Quliyev

19:07 - 27 Yanvar 2023

"İranın fitnəkar rejimi yenə də düşmənçilik toxumunu səpdi. Bu gün səhər İran xüsusi xidmət orqanlarının "xeyir- duası" ilə Azərbaycanın Tehrandakı səfirliyinə terrorçu hücumu olub və bu xain hücumda səfirliyimizin bir nəfər əməkdaşı şəhid olub, 2 nəfər yaralanıb. Allah şəhidimizə rəhmət eləsin, yaralılarımıza şıfa versin".

 

Bunu Manset.az-a açıqlamasında Milli Məclisin deputatı Musa Quliyev Azərbaycanın İrandakı səfirliyinə silahlı hücumla bağlı danışarkən dedi.

"İranın çirkin iç üzünü bir daha gördük. İran rəsmlərinin nə bəyanat verməsindən, hansı bəhanə uydurmasından asılı olmayaraq gün kimi aydındır ki, bu terror İran dövlətinin bizə düşmən siyasətinin tərkib hissəsidir və nəticəsidir. İranın çürümüş rejiminin sonu yaxınlaşır, bu terrorçu, allahsız, vizdansız və əxlaqsız rejim məhvə məhkumdur. İranda islam adından üzündə maska kimi istifadə edən islam və insan düşməni bir totalitar rejim öz biabırçı sonunu tezləşdirməkdədir. Bütün dünya ilə, o cümlədən müsəlman qonşuları ilə düşmən olan bu xain rejimin bircə dostu var, o da faşist Ermənistan!

İranın belə mənfur , çirkin əmılləri xalqımızın iradəsini sındıra bilməyəcəkdir. Əksinə, daha da mübariz ruhumuzu artıracaqdır. İran bu qanı öz çirkin əllərindən və sifətindən yuya bilməyəcəkdir", - deyə o, bildirdi.

Musa Quliyev hesab edir ki, İran xalqı, xüsusi ilə oradakı soydaşlarımız tezliklə öz qəti və son sözünü söyləyəcək:

"Terroru dövlət siyasətinə çevirən bir rejim tarixin zibilliyinə tullanacaqdır! İranın terrorçu siyasətini qətiyyətlə pisləyirik!"

Xatırladaq ki, bu gün səhər saat 08.30 radələrində Azərbaycanın İrandakı səfirliyinə silahlı hücum edilib.

Hadisə zamanı Azərbaycan səfirliyinin mühafizəsinə cavabdeh olan baş leytenant Orxan Əsgərov həlak olub. Hadisə nəticəsində daha 2 mühafizə əməkdaşı yaralanıb.


Xəbər xətti

1 Aprel 2023

Ən son xəbərləri səhifəmizdən də izləyin