Evə qadın gətirən məşqçi arvadı tərəfindən belə öldürülüb- TƏFƏRRÜAT

14:14 - 25 Yanvar 2023

Evə qadın gətirən məşqçi arvadı tərəfindən belə öldürülüb- TƏFƏRRÜAT

“Sərhədçi” idman kompleksində kikboksinq üzrə məşqçi olmuş Nurani Qalabəylinin qətlində ittiham olunan həyat yoldaşı Əfsanə Qalabəylinin cinayət işi üzrə məhkəmə prosesi davam edir.

 Bakı Ağır Cinayətlər Məhkəməsində hakim Səyavuş Hacıyevin sədrliyi ilə baş tutan prosesdə şahid S.Q dindirilib.

 S.Q-nin ifadəsindən bəlli olub ki, o, mərhum Nurani Qalabəylinin nikahdan kənar saxladığı qadındır. 3 il ərzində Nurani Qalabəyli onu öz evinə aparıb. Həmin vaxt Nurani Qalabəylinin həyat yoldaşı, uşaqları da evdə olub. Sonuncu dəfə S.Q-ni evinə gətirib həyat yoldaşının gözü qarşısında onunla cinsi münasibət yaşayarkən Əfsanə Qalabəyli bıçağa əl atıb.

Manset.az Musavat.com-a istinadən xəbər verir ki, məhkəmədə araşdırılan qətl hadisəsi 2022-ci il sentyabrın 2-də baş verib. Həmin gün 1974-cü il təvəllüdlü Nurani Qalabəylinin yaşadığı mənzildə öldürülməsi barədə Xətai rayon prokurorluğuna məlumat daxil olub.

Aparılmış araşdırmalarla zərərçəkmişin arvadı, 1987-ci il təvəllüdlü Əfsanə Qalabəylinin  yaranmış münaqişə zamanı bıçaqla çoxsaylı xəsarətlər yetirərək Nurani Qalabəylini qəsdən öldürməsinə əsaslı şübhələr müəyyən edilib.

Cinayət işinin materiallarına əsasən, 36 yaşlı Əfsanə Qalabəyli özündən 13 yaş böyük olan həyat yoldaşını Əhmədli qəsəbəsində kirayə yaşadıqları evdə 13 bıçaq zərbəsilə qətlə yetirib.

Ona qarşı Cinayət Məcəlləsinin 120.1 (qəsdən adam öldürmə) maddəsi ilə ittiham irəli sürülüb. Bu maddədə 9 ildən 14 ilə qədər həbs cəzası nəzərdə tutulub.

S.Q ifadə vermək üçün məhkəmə zalına dəvət olunan zaman hakim ondan təqsirləndirilən şəxslə düşmənçilik ədavətinin olub-olmamasını soruşub. Şahidin təqsirləndirilən şəxslə ədavəti olmadığını deyib.

Amma təqsirləndirilən Əfsanə şahidlə düşmənçiliyi olduğunu bildirib: “Bu qadın mənim düşmənimdir, uşaqlarımın əxlaqını pozub”.

Daha sonra ifadə verən S.Q-nin sözlərinə görə, mərhum Nurani ilə kafedə işləyən zaman tanış olub: “Tanış olandan sonra Nurani məni evinə dəvət etdi. Mən isə onun evinə getmək istəmədim. Bu zaman Nurani evə zəng etdi və həyat yoldaşı ilə danışdı. Əfsanəyə dedi ki, evə qadın gətirir. Telefonla danışandan sonra mənə dedi ki, narahatçılıq yoxdur,  bizim birlikdə evə getməyimizə evdəkilər də razıdır. Bundan sonra onlara getməyə razılaşdım. Birlikdə onlara getdik. Bizi Əfsanə qarşıladı. Həmin vaxt Əfsanə dedi ki, narahatçılıq yoxdur, sərbəst ol. Biz birlikdə evdə çay içdik, söhbət etdik. Daha sonra Əfsanə bizə yer saldı. Yenə də birlikdə olmağa razı deyildim. Nurani mənə hədə-qorxu gəlməyə başladı. Həmin vaxt Nurani məni döydü, barmağımı zədələdi”.

Şahid qeyd edib ki, sonrakı günlərdə də Nurani ilə telefonda danışıb: “Onun telefonlarına cavab verməyəndə isə evimizə gəlirdi. Mesaj yazırdı ki, evinizin qapısındayam. Məni hər dəfə öldürməklə hədələyirdi, çox incidirdi”.

S.Q Nuranini ölüm xəbərini köhnə işlədiyi kafedəki iş yoldaşlarından eşidib. Onun sözlərinə görə, əvvəlcə Nuranini beyninə qan sızması nəticəsində öldüyünün eşitsə də, sonradan həyat yoldaşı Əfsanə tərəfindən öldürüldüyünü bilib.

Prokurorun suallarını cavablandıran S.Q qeyd edib ki, Nurani onunla tanış olanda ailəli olduğunu bilib: “Bu tanışlıqdan bir həftə sonra Nuraninin evinə getdim. Evə getməyi Nurani təklif etdi. Mən özüm də ailəli olmuşam, iki uşağım var. Birinci dəfə Nuranigilə getməyə razı olmadım. Ailəsinin barəmdə narazı qalacağını dedim. Amma Nurani bildirdi ki, evdə heç bir narahatçılıq yoxdur”.    

S.Q bildirib ki, Nurani içki içən idi, spirtli içki qəbul edəndə özündə olmurdu. Onun sözlərinə görə, Nuraninin evində intim münasibəti 3 il davam edib: “Hər dəfə onlara gecə gedirdim. Arvadı da, uşaqları da evdə olurdu. Onun 4 uşağı var idi”.

Prokurorun “sən ailəli qadının evində Nurani ilə görüşürdün, sənin də ərin evinizə qadın gətirirdi” sualına şahid belə cavab verib: “Mənim ərim evə başqa qadın gətirmirdi. Ərimin bu hadisələrdən xəbəri yox idi”.

Bu zaman prokuror şahiddən Nurani ilə gecələməsini növbəti gün ərinə necə izah etməsi il bağlı suallar verib. Şahid deyib ki, Nurani ilə intim münasibətdə olmasını, onun evində gecələməsini ərinə bildirməyib. O deyib ki, evə gəlmədiyi günlərdə ərinə qardaşıgildə qaldığını deyib”.

S.Q Nuranini hərəkətlərindən hüquq-mühafizə orqanlarına müraciət etməsi barədə suallarla belə cavab verib: “Nuranini məni döyməsi, şantaj etməsi barədə polisə şikayət etmək fikrində olmuşam. Bir dəfə də Sabunçu polis idarəsinə qədər getsəm də, sonradan şikayət etmədim, geri qayıtdım. Ərinin belə hərəkət etməsi ilə bağlı Əfsanə ilə söhbətimiz olmayıb. Nurani mənim telefonumun yaddaşında olan bütün nömrələri götürüb. Onunla görüşməyəcəyim halda mənimlə olan münasibətlərimiz barədə yaxınlarıma, qohumlarına zəng edərək deyəcəyini bildirib. Məni ərimlə, oğlumla şantaj edib”.

S.Q Əfsanənin Nurani ilə onun münasibətinə göz yummasını belə izah edib: “Nurani mənə dedi ki, Əfsanə bizə etiraz edə bilməz. Mən onu atası ilə intim əlaqədə olanda tutmuşam. Ona görə də Əfsanənin mənə etiraz etməyə haqqı çatmır”.

Daha sonra S.Q bildirib ki, Nurani ilə münasibətdə olduğu 3 il ərzində ayda bir dəfə onun evində intim əlaqədə olub. Qeyd edib ki, Əfsanə onlara otaq hazırlayıb, həmin vaxtlarda onun gərgin olduğunu hiss etməyib.

Bu zaman Əfsanə deyib ki, əri təkcə S.Q ilə cinsi əlaqədə olmayıb. Onun sözlərinə görə, S.Q görüşə gələndə bacısı qızını da gətirib: “Mən ərimin təzyiqi ilə onun bacısı qızına da yer açmışam”.

S.Q isə bunun yalan olduğunu bildirib və qeyd edib ki, həmin vaxt Nurani onun başına telefonun çırpıb. Əfsanə isə Nuranin S.Q-nin başına telefonunu çırpması olayını belə izah edib: “Həmin vaxt S.Q bacısı qızını gətirmişdi. Nurani onun bacısı qızı ilə cinsi əlaqədə oldu. S.Q isə onları mətbəxdə gözləyirdi. Onların otaqdan gec çıxmalarına, S.Q onları mətbəxdə tək gözləməsinə etiraz etdi. Bu vaxt Nurani də onun başına telefon çırpdı. S.Q bizə rəfiqəsini də gətirib. Bu da 2 dəfə olub. Həmin vaxt Nurani S.Q-dən tələb etdi ki, qızını niyə gətirməmisən. Bu səbəbdən Nurani onu döydü. Çünki S.Q Nurani ilə cinsi əlaqədə olanda demişdi ki, mənimlə yaxşı cinsi əlaqədə ol, sənə qızımı da gətirəcəm. Qızını gətirmədiyi üçün Nurani onu döyüb. Bundan başqa, Nurani S.Q-dən qardaşı qızı, qaynı qızını da gətirməsini istəyib”.

S.Q isə  deyilənlərin yalan olduğunu bildirib. Əfsanə məhkəmədə S.Q-yə “Nurani ilə olanda murdar səslər çıxardırdın, bu səslərini uşaqlarım eşidirdi, bundan utanırdın” verdiyi sualına belə cavab verib: “Mən həmin evə gecələr gəlirdim. Həmin vaxt da uşaqlar evdə yatırdılar, bizi görmürdülər. Bu 3 il ərzində Nuranini uşaqları bizi evdə cəmi bir dəfə görüblər”.

Bu zaman isə Əfsanə S.Q-yə “Mən səni Allaha tapşırmışam. Bu gün mən uşaqlarımdan ayrı qalmışam, səni də mənim günümə düşəsən” deyə bildirib.

Əfsanə daha sonra deyib ki, S.Q Nuranini ona qarşı qızışdırıb: “Nuraniyə deyirdi ki, arvadın yaxşı əlaqələr yaratsın, sənə qadınlar tapsın”.

Daha sonra hakim S.Q-nin istintaqa verdiyi ifadəsindən bəzi hissələri açıqlayıb. O, istintaqa verdiyi ifadəsində göstərib ki, Nurani ilə ayda 1 və ya 2 dəfə görüşüb, onunla cinsi əlaqədə olub. Onun ifadəsinə görə, Nurani kafe icarəyə götürüb, o da həmin kafedə işləyib: “Kafe gəlir gətirmədi, bağlandı. Bundan sonra Nuranidən uzaq gəzməyə başladım. Nurani məni ərim və oğlanlarımla şantaj etməyə başladı. Məni görüşməyə məcbur edirdi”.

S.Q həmçinin istintaqa verdiyi ifadəsində Nuraninin digər qadınları evə gətirməsi, onlarla cinsi əlaqədə olmasını deyib.

Məhkəmədə isə deyib ki, Nurani onunla birlikdə olduğu zaman evə ondan başqa qadın  gətirməsinin şahidi olmayıb: “Nuraninin özü mənə demişdi ki, məndən əvvəl başqa bir qadın evinə gətirib, sonradan da onunla əlaqəsi olmayıb. Bunu Nuraninin özü mənə deyib”.

Daha sonra şahid qismində Qalabəylilər ailəsinin qonşusu olan Ulduz Əliyeva ifadə verib. O bildirib ki, bu ailə ilə 3 ildir qonşu olub. Əfsanənin mehriban, üzü yola bir qadın olduğunu söyləyən Əliyeva bildirib ki, Əfsanə ərindən qorxub, buna görə də onlarla ünsiyyət yaratmayıb.

Digər qonşu Namil Nəcəfov deyib ki, sentyabrın 2-də işdən evə gələndə blokun qarşısında Əfsanənin əlində bıçaq olduğunu görüb: “Mən də polisə məlumat verdim. Onlar da gələrək Əfsanənin əlindən bıçağı aldılar. Hadisə gününə kimi nə Əfsanəni, nə də ki Nuranini tanımamışam. Onların səs-küylərinin şahidi olmamışam.   

Əfsanə Qalabəyli məhkəmədə verdiyi ifadəsində bildirib ki, əri illərdir ona əziyyət verir – döyür, təhqir edir, özü və uşaqları evdə ola-ola münasibətdə olduğu qadınları gətirir. Təqsirləndirilən şəxsin sözlərinə görə, onu və uşaqlarını bir otağa salıb, bağlayır, digər otaqda gətirdiyi qadınla qalırdı:

“Bütün bunlar mənim, uşaqlarımın gözünün qarşısında baş verirdi. Etiraz edəndə döyülürdüm, söyülürdüm. İllərlə zülm eləyib mənə. Elə olub, zəng eləyib ki, hazırlıq gör, evə adam gələcək. Bir də görmüşəm, pozğun adam gətirdi. Etiraz eləmişəm, dava-qırğın düşüb. O evdə elə dəhşətlər yaşamışam".

Əfsanə Qalabəyli deyib ki, dəfələrlə ərinə xəbərdarlıq edib, uşaqların böyüdüyünü, onların qarşısında bu cür hərəkətlərin yolverilməz olduğunu nəzərinə çatdırıb. Bu isə dava-dalaşla nəticələnib.

Əfsanə Qalabəylinin 13 yaşlı oğlu dindirilib. O, hazırda 8-ci sinifdə oxuyur. Uşaq bildirib ki, atası ailə üzvləri ilə çox pis davranırdı. Əvvəllər Dövlət Sərhəd Xidmətinin xüsusi məktəbində oxuduğunu, həftənin 5 günü orada, 2 günü isə evlərində qaldığını deyən məktəblinin sözlərinə görə, həmin iki gün ərzində evdə yaxşı heç nə görmürdü: “Evə gələndə döyülmək, söyülmək, pozğunluq görürdüm. Atam ailəsilə çox pis davranırdı. 5-6 yaşımdan o evdə qışqırıq, söyüş eşitmişəm. Evə pozğun adamlar gətirirdi, bizi bir otağa salırdı, özü başqa otağa girib, qapını bağlayırdı”.

Hadisə günü bu uşaq da evdə olub. O, həmin gün gördüklərini də hakimlərə danışa-danışa ağlayıb.

Əfsanə və Nurani Qalabəylilərin birgə nikahdan 4 övladı – üç oğlu və bir qızı var.

Növbəti proses fevralın 3-də davam edəcək.


Xəbər xətti

29 Mart 2024

Ən son xəbərləri səhifəmizdən də izləyin