Zakir Həsənov Rusiya sülhməramlılarına dair tapşırıq verdi
20 Aprel 2024
15:56 - 11 Yanvar 2023
Pakistandan İngiltərəyə gələn təyyarədə İngiltərədəki bir İran şirkətinə göndərilən bağlama bütün ölkəni ayağa qaldırıb.
Manset.az-ın xarici mediaya istinadən məlumatına görə, Pakistandan havaya qalxan və Oman üzərindən yola düşən təyyarənin içindəkilər ölkəyə tarixinin ən böyük qorxularından birini yaşadıb.
“İngiltərənin ürəyi” kimi tanınan Hitrouda eniş edən təyyarə, hava limanına eniş etdikdən sonra uçuş-enmə zolağında olan ekipajlar təyyarənin içərisindən anormal şüalanmanın yayıldığını anlayıblar.
Təhlükəsizlik qüvvələri dərhal həyəcan təbili çalıb və təyyarəyə müdaxilə etmək üçün hazırlıqlara başlayıb. Eyni zamanda, məsələ ilə bağlı terrorla mübarizə polisinə xəbərdarlıq edilib.
Təyyarənin İngiltərəyə necə yoxlanılmadan gəldiyi böyük sual işarəsi olaraq qalır. Hava limanının mühafizəsi paketi nəzarətə götürərək yoxlamağa başlayıb. Səlahiyyətlilər təcrid olunmuş paketdə yüksək miqdarda uran aşkar ediblər.
Sirli paketin içində kilolarla uran olduğu məlum olduqda hava limanında çaxnaşma mühiti artmağa davam edib. Başlanğıcda bu uranın “çirkli bombalar” hazırlamaq üçün istifadə ediləcəyi düşünülsə də, sonrakı araşdırmalarda bu uranın "silah dərəcəsi" olmadığı müəyyən edilib.
Aeroport rəsmisi, "Bu şübhəli paketlə əlaqəsi olan hər kəsi müəyyən etmək üçün səylərimiz davam edir. Təhlükəsizlik qüvvələri bunu ciddiyə alır. Protokola əməl edilməyib və bu, artıq terrorla mübarizə əməliyyatıdır" - deyib.
Dünyanın ən böyük hava limanlarından birində çaxnaşma yaradan insidentlə bağlı hələlik heç kim saxlanılmayıb.
Beynəlxalq Atom Enerjisi Agentliyi (MAQATE) bildirib ki, İran 60 kq-dan çox zənginləşdirilmiş urana malikdir ki, bu da atom bombası hazırlamaq üçün kifayətdir.
İngiltərənin nüvə müdafiə alayının keçmiş komandiri Hemiş De Bretton-Qordon mövzu ilə bağlı uranın Pakistandan İngiltərədəki İran şirkətinə kommersiya təyyarəsi ilə göndərilməsinin çox şübhəli olduğunu bildirib.
Təyyarə yerə enən kimi müdaxilə edərək ola biləcək təhlükənin qarşısını aldıqlarını deyən səlahiyyətlilər, bir çox təhlükəsizlik qüvvələri ilə birlikdə hadisə ilə bağlı araşdırmalarını davam etdirdiklərini açıqlayıb.
Manşet.az
Digər xəbərlər
Xəbər xətti
Ən son xəbərləri səhifəmizdən də izləyin