Medianın İnkişafı Agentliyi jurnalistlərə çağırış etdi
20 Aprel 2024
"Kontakt Home"dan biabırçı bayram kampaniyası: Deputatın şirkəti işçilərini belə ələ saldı
20:32 - 8 Yanvar 2023
“Kontakt Home” biabırçı bayram kampaniyası ilə gündəmə gəlib. Belə ki, deputata məxsus olduğu deyilən şirkət sözün əsl mənasında işçilərini ələ salıb.
Manset.az KONKRET.az-a istinadən xəbər verir ki, bu barədə jurnalist Sevinc Paşayeva öz Facebook səhifəsində məlumat paylaşıb:
“Deyirlər, Kontakt Home bayramla əlaqədar işçilərinə 50 manat pul mükafatı təyin edib. Amma əlbəəl yox. Hərəyə bir yaşıl rəngli “Sevindirən kart” paylayıb, pulu da köçürüb içinə. Personal da ha əlləşir-vuruşur, kartdan pulu çıxara bilmir. Səbəb də odur ki, həmin “green card”la elə şirkətin öz mağazalarından mütləq nəsə almalıdırlar. Yəni verdiyim pulu təzədən elə özümə qaytar prinsipi… İndi işçilər düşüb tanış-bilişin canına ki, bəlkə kiminsə “Kontakt”dan 50 manatlıq avadanlıq almaq fikri ola, alışı bu kartla edə, sonra da öz aralarında nağdlaşdıralar. Nə isə ki, əməllicə zibilə düşüblər; yumşaq desək, şirkətin marketinq zibilinə…”, – jurnalist vurğulayıb.
Qeyd edək ki, “Kontakt Home”un deputat Elnur Allahverdiyevə məxsus olduğu iddia olunsa də, millət vəkili bunu inkar edir. Səsləndirilən iddialarla bağlı qarşı tərəfin mövqeyini dərc etməyə hazırıq!
Digər xəbərlər
Xəbər xətti
20 Aprel 2024
Ən son xəbərləri səhifəmizdən də izləyin