<

Ötən il ekoloji qanun pozuntuları ilə bağlı 600 milyon manatdan çox iddia qaldırılıb

12:21 - 6 Yanvar 2023

Ötən il ekoloji qanun pozuntuları ilə bağlı 600 milyon manatdan çox iddia qaldırılıb

2022-ci il ərzində ekoloji qanun pozuntuları ilə bağlı ümumilikdə 10 024 akt, 2 112 protokol tərtib olunub.

 

Manset.az xəbər verir ki, bunu Ekologiya və Təbii Sərvətlər Nazirliyinin Dövlət Ekoloji Təhlükəsizlik Xidmətinin rəisi Hikmət Əlizadə ilin yekunlarına həsr olunmuş mətbuat konfransında deyib.

O bildirib ki, ümumilikdə bu şəxslərə qarşı 600 milyon 700 min manat məbləğində iddia qaldırılıb: “4 milyon 662 min manat vəsaitin Ətraf Mühitin Mühafizəsi Fonduna köçürülməsi təmin edilib. 680 müddətli göstəriş verilib”.

Xidmət rəisi qeyd edib ki, ən çox qayda pozuntuları yaşıllıqlarla bağlıdır:

“3 000-dən artıq akt yaşıllıq və meşə qanunvericiliyinin pozulması ilə bağlıdır. Amma qeyd etməliyik ki, yaşıllıqlarla bağlı pozuntular birmənalı olaraq tikinti və tikinti şirkətləri tərəfindən deyil, daha çox yerlərdə meşələrin istismar edilməsi ilə də bağlıdır”.


Xəbər xətti

30 Yanvar 2023

Ən son xəbərləri səhifəmizdən də izləyin